مولود جديد للكاتبة " مريم سيد "أم البنات"" يصدر عن كيان اللا رواية للنشر الإلكتروني وبدعمكم قد يتحول الحلم لحقيقة وتصبح ورقى
إسم العمل : يوميات اللارواية الرمضانية
المؤلفة: مريم سيد "أم البنات"
دار النشر : اللارواية للنشر الالكتروني
سنة النشر : 2023
التصنيف : اسكريبت
تصميم الغلاف : ميري عماد
فى يوم من ايام شهر رمضان المبارك فى منزل منى ومحمد
منى قامت نومها صلت فرضها ولبست ونادت على جوزها يامحمد قوم علشان متتاخرش على الشغل
محمد خخخ
منى... يامحمد قوم هتتاخر على شغلك.
محمد. هقوم اهو يامنى بقولك هتعملي ايييه على الفطار
منى: اى حاجه علشان بكره عزومة اخواتك
محمد: نعم اى حاجه ايييه اعملى مكرونه بالباشميل
منى: نعم باشميل اييه يامحمد الباشميل بكره
محمد طيب اعملي محشى
منى محشى بقولك اييه انا هعمل مكرونه وبانيه وبكره ابقى، كول الباشميل والمحشى سلام ياخويا ورايا شغل هنتاخر
محمد. يامنى كانت سابته وخرجت وهو بيقول اييه الوليه دي كل حاجه اطلبها تقولي مش فاضيه ياربى عليها وليه نكد وكمل نوم مش رايح الشغل
منى.. بعد ماخرجت والله راجل جبله طول النهار فى الشغل واجى اقف فى المطبخ هو ولا فى دماغه غير الاكل ركبت ميكروباص وصلت شغلها دخلت على زمايلها صبحت عليها صحبتها عليه مالك يامنى
منى. غلب كل يوم الرجل بدل مايقولى صباح الخير يقولي هتعملي فطار اييه لا وبكل بجاحه يقولى عايز باشميل ولا محشى
.. عليه.. وحياتك كلهم كده طيب ماانتى عندك عزومه بكره
منى ماهو انا قولتلك كده بيقولي وفيها اعملي انهارده وبكره يعني انتى هتخترعى ميعرفش ان ألواحد طالع عينه فى ااشغل لاعنده دم ولا احساس لا ورايح يعزم امه واخواته بعيالهم وياساتر عليهم بيجيوا قبل االمغرب بنص ساعة
عليه بقولك اييه بدل ماتهدى حيلك اعملى زى ماانا عملت مع اهل زوجى
منى عملتى اييه
عليه فيه واحده بتعمل الاكل جاهز
منى اكل جاهز بس اكيد غالى
عليه لا والله مش غالى هو ممكن يزيد عن التكلفه عن اللى بتعمليه انتى بحوالى 20او 30ج
منى معقوله هو انا لوطلبت منها ممكن تعملي الاكل بكره
عليه استنى هنصل بيها لو معندهاش اوردر، ممكن تعمله ليكي
منى طيب اتصلي بيها
عليه ماشي مسكت فونها ورنت
الطرف التاني صباح الخير يامدام عليه
عليه صباح الورد والياسمين على اشطر شيف ازيك ياسها
سها انا الحمدلله زى الفل
عليه عايزه منك طلب
سها اؤمرينى
عليه الامر لله بقولك واحدصحبتى عندها عزومه ومزنوقه وعندنا شغل وجردوبلاوى مش فاضيه تعمل اكل فقولتلها عليكى اييه
سها انا معايا اوردر بس علشان خاطرك هى طالبه اييه وانا هعملها الاهى عايزاه
عليه خديها معاكى هى اسمها منى
منى ازيك يامدام سها
سها اتا الحمدلله يامدام منى حضرتك طالبه اييه
منى.. هقولك 2صينيه مكرونه بالباشميل و5فراخات ومحشى مشكل او ورق عنب،
والحلويات صينيه كنافه وصينية بسبوسه
سها . عايزه عصاير، فريش
منى. كمان يلريت
سها تمام بكره الساعه خمسه كل حاجه هتكون عندك
منى والحساب
سها .. بكره هقولك على القلوس
منى طيب عايزه اغرف بس الحساب علشان اكون عامله حسابي
سها هو فى التقريب 1000ج
منى تمام ان شآء الله اللى هيجبلى الاكل هاحسبه بس بالله عليكي ميبقاش فيه تاخير
سها. ان شآء الله مفيش تاخير واسالى مدام عليه هى بتتعامل معايا عالطول
منى. هى بتشكر، فيكي وعلشان كده انااتشجعت وطلبت منك
سها ان شآء الله مش هيبقى اول تعامل
منى ان شاء الله انتى هترحمينى من وقفة المطبخ وانا صايمه
سها. ممكن اعملك الاكل ممكن تنقليه فى صوانى وحلل ومحدش هيغرف انك عملاه بره
. منى مش فارقه هما اصلا مش بيدخلوا المطبخ من الاساس
سها يعني مفيش مشكله لو الاكل محطوط فى اطباق فويل
منى لا مفيش مشكله
سها خلاص ان شآء الله الساعه خمسه بالتمام الاكل هيكون عندك ومنور مطبخك
منى تسلمي
سها ابعتيلى العنوان على الواتس
منى حاضر وقفلت معاها وعليه اتفقتى معاها
منى اه اتفقت وهتبعت الاكل على الساعه خمسه وهتعمل كل حاجه
عليه طيب الحمدلله ارتاخى ونامى والاكل يجيلك من غير تعب ولا مجهود
منى انا كده كده بكره اجازه والله رحمتينى من الوقغه بس يارب الاكل يكون حلو
عليه. والله تحفه دى حماتى من حلاوة الاكل منطقتش بكلامها اللى كان بيسم بدنى المرادى كلت وهى وبناتها وسلايفى وشايفه فى عيونهم من امتي وانتى اكلك حلو
منى ليه ماشاء الله عليكي دانتى نفسك عثل فى الاكل
عليه حبيبتي ربنا يخليكي بس انتي عارفه حماتى وبناتها كأن خدت ورثهم
منى لا ياحبيبتي علشان انتي بعيد وسلايفك قربيين منها وانتى بعيد فلازم تكونى محل انتقاد زيى بالظبط
عليه. طيب هما قاعدين فى بيوتهم اما احنا طالع عيننا
منى مالهمش دعوه ياحبيبتي بيقولوا عليكي برويه
عليه اه والله فعلا لا وكمان جوزك هو كمان واخد صفهم
منى ياااختى سيبك منهم الراجل اللى ايدك بايده ومش بيحس بيكى عايزه الاغراب يحسوا بيكى
عليه والله عندك حق يالا نكمل شغلنا وكملوا شغلهم وجه ميعاد رجوعهم لبيوتهم منى وعليه ركبوا المكروباص وكل واحده اتوجهت لبيتها دخلت منى بيتها دخلت اوضتها جوزها كان نايم بتقوله محمد هو انت رجعت من الشغل
محمد لاانا مروحتش من اساسه وسيبنى انام
منى. طيب صليت الظهر
محمد لا مصلتش هبقي هصليه مع العصر واقفلى اانور سيبنى انام بقي
منى. نام ياخويا نامت ولا بلاش خرجت من اوضة نومها ودخلت اتوضت وصلت الظهر قبل العصر ماياذن وخرجت دخلت مطبخها تجهز فطار النهارده البانيه والمكرونه نسببها ونروح لعليه صحبتها بتتصل بسها
عليه. انا هجيلك اعمل معاكي الاوردر ده متقلقيش
سها ماهو علشان كده قبلته انتى عارفه عندي شغل كتيير فعلشان قالتلى من طرفك قولت يبقى تبعك
عليه لا والله اتا قلت الناس تعرفك اكتر ولو اكلك عجبها منى بتعمل عزومات بكتيير
سها ليه هى غنيه ولاايييه
عليه لا والله يااختى بس زوجها مقصوف الرقبه عامل نفسه رئيس مراجيح مولد النبى فكل شويه يعزم امه اخته اخوه كده وهى علشان مغلوبه على امرها بتوافقوا علشان هو راجل نكدى
سها اعوذ، بالله منهم الرجاله دى
عليه . هو راجل لايطاق مطفحها الكوته
سها ربنا يرحمها منه هتيجي دلوقتي ولا بعد الفطار
عليه . لا دلوقتي انا معزومه عند حماتى فروح على الفطار
سها مش هتروحي تساعديهم
عليه لا اروح. ليه كان حد من بناتها ولا هى بيجوا يساعدونى لا وياربتهم بسمع منهم كلمه حلوه هى ولابناتها كلامهم زى السم وانتى عارفه اكلى
سها الصراحه اكلك تحفه بس اكيد غيرانين منك يالولو
عليه يااختى على اييه دانا يعتبر اقل منهم كلهم
سها مين قال بالعكس انتى عندك اللى معندهش
عليه عندي اييه بلا نيله
سها عندك الرضا والقبول وكل الناس يتحبك
عليه ربنا يخليكي يااختى الحمدلله انا طول عمري بقول الرصا بالمقسوم عباده وان النفس اللى طالع مش راجع تاني
سها للاسف مش كل الناس تعرف كده الناس بتتفنن تحرق دمك ازاى بكلامهم السم
عليه عارفه للاسف بس ملناش دعوه بيهم بقولك افتحي الباب انا قدامه
سها معقوله
عليه اه والله افتحي يابنتي عايزه اخد. نفسي علشان اعمل الاكل قبل ميعاد الفطار
سها ماشي هفتحلك اهو وفتحت ودخلت عليه سلمت على سها وبدؤا يخلصوا اوردر انهارده علشان يبدؤا اوردر بكره وبعد وقت خلصوا اوردؤ فطار النهارده وبدؤا فى اوردر فطار منى وعيلة جوزها
سها عليه المغرب ناقصله نص ساعه
عليه اه ماانا عارفه هقوم انا الحق حماتي قريبه متك مش هتاخر
سها والله انا خايفه عليكي من كلامهم
عليه هى وبتفتح الباب اتعودت خلاص سلام هجيلك بغد العشا
سها . هستناكى سلام ربنا معاكي
عليه احتمال اجى افطر معاكي هطرد على ايد حماتى وبناتها مع صمت تمام من زوجى العزيز
سها معلش غلبان خالد جوزك بيشترى خاطر امه
عليه غلبان والله اتا اللى غلبانه فى وسطيهم بيشترى خاطر امه وفين خاطرى
سها عند ربنا يالا الحقى وقتك
عليه ماشي حبيبتي سلام مؤقت
سها سلام... وعليه خرجت اتوجهت لبيت حماتها وهى بتقول ربنا يعدى الفطار ده على خير
نسيبها ونروح لمنى جهزت الفطار وحوزها قام واولادهاوقعدوا على السفره
زوجها مش قولتلك عايز محشى
منى. بكره يامحمد كول منه فى العزومه
محمد يعنى كان هيحصل ايييه لو غملتى انهارده
منى مش هيحصل حاجه بس انت عارف انا بحب اجهزه قبلها بيوم وانت عارف ان هو دبكه
محمد. ياساتر عليكى لازم تنكدى عليا انتى عارفه انا مابحبش المكرونه والبانيه فى رمضان
منى.. وفيه اييه البانيه والمكرونه وكول يامحمد واستهدى بالله
محمد.. حاضر هطفح
منى وانتوا ياولاد اييه رائيكم
ابنها وبنتها تحفه ياماما
منى حبايبي ربنا يجبر بخاطركم زى مانتوا بتجبروا بخاطرى عالطول
محمد قولى بيطبلوا لامهم
منى استغفر الله العظيم خلاص بقى يامحمد بكره ابقى كول المحشى براحتك
محمد هو انتي هتعملي محشى بس
منى لأ طبعا هعمل حاجات كتيره متقلقش عزومه هتشرفك
محمد انتي عارفه امى واخواتى
منى عارفه متقلقش وبينها وبين نفسي عارفاهم طفسين بس هعمل يارب ارحمنى من العيله دى
محمد هو انتي سرحتى فى اييه
منى . انا ماسرحتتش ولا حاجه هقوم اشيل السفره يالا نور انتى وادهم شيلوا معايا
محمد وادهم يشيل ليه
ادهم وفيها اييه يابابا انا بساعد ماما واختى زى ماكان رسولنا الكريم بيساعد اهل بيته ولكم فى رسول الله قدوة حسنه
مامته ربنا يحميك ياادهم ويجعلك سند ليا وللااختك
باباه...طيب ياخويا بس متجيش فى يوم وتتخانق وتقول انا راجل مش هساعد
ادهم ان شاء الله لا يابابا متقلقش وشال مع مامته واخته الاطباق ودخلهم المطبخ وقالهم انا هعمل الشاى
مامته ادهم متزعلش من كلام بابا
ادهم.. هزعل من اييه ياماما هى دى فكرة كل الناس ياماما عندنا فى المدرسه مدرس التربيه الدينيه قالنا عندنا فى المجتمع الشرقى ان الراجل لوساعد مامته اوزوجته فى شغل البيت بيقلل من رجولته طبعا ده فكر خطأ بس للاسف اتعودنا علي الكلام ده وبقى راسخ فى عقول الكل راجل اوست
مامته فعلاً ياجبيبى ربنا يرحمنا بس انت ربنا يحميك ويحفظك يارب ياحبيبي انت واختك نور
ادهم يارب ياماما ويحفظك لينا حضرتك اللى ليكى الفضل فى معرفتى ان مساعدتى ليكم ميقلقش من رحولتى بالعكس ده هيزيد مابينا الحب والدفئ وزى ماقولت لبابا ولنا فى رسول الله قدوة حسنه
مامته واخته عليه افضل الصلاة والسلام طلع بقى بالشاى وانا جايه وراك
ادهم حاضر وعدى اليوم منى واولادها وزجها اتسحروا وناموا واستعدوا ليوم العزومه
فى صباح يوم جديد منى قامت من نومها مشت ولادها للمدارس وصحت جوزها لسغله قام اتوضى وصلى ومشى وهى مسكت فونها اتصلت بصحبتها عليه
منى. صباح الخير يالولو
عليه صباح النور يامنمن صاحبه بدري يعنى
منى مش عندى عزومه
عليه .. ههههههههه ماكله جاهز ياقمر
منى عارفه اسكتى ده محمد قبل مايمشى منى اوعى تقلى منى قدام اهلى
عليه. هو جوزك ليه محسسنى ان هو ابوهشيمه فى نفسه
منى. لا ده عدى ده نجيب ساويرس
عليه طيب ماشاء الله عليكي طالبه حاجات كتيره
منى.. بس يارب يعجبهم يااختى انتى عارفه حماتى وسلايفى ولا اخواته البنات يكفيكى شرهم
عليه ههههههههه يكفينى شرهم ماهو انا كنت فى المرار الطافح امبارح
منى اه صحيح عملتي اييبه
عليه عملهم اسود اسكتى انا كنت همسك فى خناقهم بس مسكت نفسي ولبست قناع البرود وكلت وقولتلهم اناهمشى
منى وربنا انتي جباره يالولو
عليه يااختى هو انا ناقصه حرقة دم زى ماهما بيعملوا معايا عملت زبهم اصل خالد باشا واخد وضع عدم الازعاج لا بينطق بس شاطر يقولي مغلش هعمل معاهم ايه امى واخواتى فبقيت اعمل زيهم
منى . ماهو ناويه اعمل كده انهارده لا وكمان بقى جايبه حتة عبايه هخليهم يجيلهم جلطه انما اييه
عليه ياللى كنتي مفكراكى طيبه
منى اللى مفكرنى طيبه كل سنه وهى طيبه
عليه ضحكت روحي نامى وريجى لحد ماالفطار يجيلك والبس العبايه وابعتهالى على الواتس
منى من عبونى اتصلى بسها وقوليلها تبعت الاكل الساعه خمسه بالظبط قبل ماحد. يجيى
عليه ولو عايزة قبل خمسه يكون عندك هى تحت امر المزه
منى.. ههههههههه لا خمسه
عليه اوكشن يامزتى هنصل بيها
منى بقولك ماتيجى تفطرى معايا
عليه لا يااختى يعني حماتى امبارح وحماتك انهارده ليه يااختى ده اختك غلبانه
منى الله يخربيت فقرك ماشي نبقى نعملها وناخد العيال ونفطر انا وانتى بره
عليه حلو بره دى بعيد عن اللى واخد دور عدم الازعاج ودور. مجيب ساويرس
منى ههههههههه وربنا انتى بت عسل بقولك هقغل معاكي الم الشقه واظبط حالى علشان افقع المراره
عليه هههه اللهم انى صايمه
منى والله ماشي ياست لولو سلام ياقمر وقفلت معاها ولمت شقتها وعدى وقت وسها بعتت الاكل وزوجها رجع بيقولها شايفك يعنى قاعده مش فى المطبح اوعى بامنى
منى ماسكه المصحف وبتقوله كله حاجه خلصت
زوجها ليه هووانتى عامله اكل قليل
منى لأ طبعا اتا هعمل حاجات كتيره متقلقش يامحمد
محمد والله انا خايف تكسغينى
منى والله ماتخاف سيبنى اخلص قراءه فى المصحف مامتك واخواتك ومراتات اخواتك على وصول
محمد اقرائى اومال فين الولاد
منى نور نايمه وادهم لسه فى الدرس
محمد طيب ماتصحى نور قبل ماجدتها تيجي
منى لسه بدري على الفطار لسه فيه حوالى ساعه والبنت صغيره جت من المدرسه والحو فخلتها صلت ونامت هصحيها قبل المغرب
محمد برضوا ماشي بس مايصحش جدتها تيجي هى وعمتها واعمامهاوهى نايمه
منى. يامحمد البنت صغيره لسه متعرفش حاجه وهى صايمه واكيد هيعذروها
محمد. ماشي يااختى دلعى فيها
منى لاحول ولاقوة الابالله العلي العظيم هو فين الدلع ده اومال اخواتك الىى مدلعين عيالهم ومحدش منهم بيصوم عيالهم ونور اصغر واحده فيهم وهى صايمه
محمد بصلها وسكت ودخل اوضته محسسنى ان امه كوندليزا ريز لازم كلنا نكون فى استقبالها ربنا يهديك يامحمد وكملت قراءه فى المصحف وبعد شويه سمعت صوت جرس شقتها كانت حماتها واخوات زوجها البنات والولاد وعيالهم
حماتها ازيك يامنى
منى الحمدلله ياماما
اخت من اخوات زوجها بس قوليلي يامنى اييه الحلاوه دى
. منى ليه يعني ياهناء ماانا طول عمري حلوه
هناء اصلك يغنى لبسه عبايه حلوه انا قولت هاجي الاقى منى معكوكه فى المطبخ
منى ليه اتعك يعني اتا بعمل حسابى لكل خطوه قبل مااعملها
حماتها. اه ماهو انتي ماشيه بالمسطره حتى ولادك الله صحيح هما فين
منى نور نايمه وادهم فى الدرس هو عالوصول
حماتها. بعنى بنتك مش عارفه ان ستها جايه
منى اصلها صايمه ياماما وبتيجى من المدرسه تعبانه فانا بخليها تنام
هناء ليه يااختى تصوميها لسه صغيره
منى لا مش صغيره هى عندها 8سنين
هناء. طيب وفيها اييه طيب مامازن اكبر منها ولسه مش بخليه يصوم
منى انتى حره وكل واحد حر عن اذنكم ياجماعه المغرب غلى اذان محمد معلش اتصل باادهم
محمد . حاضر ومسك فونه وكلم ابنه قاله ان هو على اول الشارع وقفل معاه
هناء اخته بتقوله محمد هى مراتك عامله اكل اييه
محمد والله ماعارف ياهناء
اختها. هناء من امتي اخوكي محمد بيدخل فى موضوع الاكل
هناء الله مش بطمن ياهدى
هدى اطمنى منى شاطره وصاحبة واجب
هناء اه يااختى ماانا عارفه ماتيجى نقوم ندخل نسوف بتعمل ايه
هدى هناء اقعدى مكانك احنا ملناش حق ندخل نفتش
مامتها. وفيها اييه ده خير اخوكم
هدى ياماما مايصحش بنتك اللى عاوزه تدخل مش بتخلى ولا واحده من اخوات زوجها يدخلوا مطبخها
هناء بت انتي كلامك بيحرق دمى اسكتي خالص
هدى. حاضر سكتنا
واحد من سلايف منى ياااختى شوفتى عامله ايه فى نفسها
واحده تانيه من سلايف منى.. عامله ايه عادى يعنى ياعفاف
عفاف... عادى ده منوره وملمعه لا وكمان لبسه حتة عبايه مخلياها قمر14 يانجاة
نجاة..منى طول عمرها واخده بالها من نفسها ومن تربية ولادها وكفايه. ان هى بعدهاهم عن حماتك ماشاء الله على ابنها وبنتها تربيتهم اللهم بارك
عفاف عارفه يااختى عارفه
نجاة طيب ممكن تسكتى منى زيها زينا حماتك لابتحبنا ولا بتحب منى
عفاف. عارفه وسكت ادهم وصل سلم عليهم ودخل لمامته سلم عليها ودخل صلي العصر وصخى اخته وخلاها تصلى وقالها تعالي ورايا المطبخ علشان نساعد ماما
نورحاضر ونور خرجت سلمت على جدتها وعمتها واعمامها وبعدها استاذنت ودخلت المطبخ زى ادهم وبدؤا يخرحوا الاكل على السفره والكل بيبصلهم
عفاف شوفتى يااختى العيال
نجاة. شوفت ربنا يباركلها فيهم
عفاف يارب
منى يامحمد نادى على الجماعه يالا السفره جهزت
حماتها واخوات زوجها قاموا واتفاجوا بشكل الاكل وجمال رصه على السفره غير كميات الاكل
واحد. من اخوات زوجها بيقولها ماشاء الله عليكى باام ادهم
منى ربنا يباركلك ياابو ياسين اتفضلوا بالف هنا وشفا
الكل قعد على السفره وانبهروا بطعم الاكل هى منى نفسها حلو بس هما ميعرفوش ان هى جيباه من بره بس الغريب ان هو نفس طعم اكلها
اخوات زوجها تسلم ايدك ياام ادهم الاكل تحفه
منى تسلموا يارب بالف هنا
حماتها. بس قوليلي هوانتى عامله الاكل ده كله لوحدك
منى اه طبعا ياماما
حماتها ازاى ده الاكل ده عايز تلاته اربعه يعملوه مش واحده
منى حضرتك عارفانى انا بنظم وقتى فى حاجات جهزتها من امبارح وانهارده. صحيت من بدري خلصت الباقى
هدى تسلم ايدك يامنمن طول عمرك شاطره
منى تسلمى يادودو انت اشطر
هناء. لا بجد انا مش عارفه بتجيبى الصحه لاده كله ازاى
منى صحة اييه ياهناء دانا ماشيه بالمسكنات
هناء اتا مش بحسدك على فكره
منى. وانا والله مش بكدب عليكى اهو المسكن فى جيبى باخده علشان اقدر اتحرك الحمدلله على كل حال
عفاف سلفتها لا بس خلطة المحشى جباره
نجاة منى شاطره فى كله ربنا يحسن مابين ايديكى يامنمن وكل سنه وانتي طيبه ياقلبي
منى تسلمى يانوجا وانتي طيبه ياروحي وانا طول عمري خلطة المحشى ليها تكات وحركات ياعفاف
عفاف لا بس المرادي جميله انا عاوزه الطريقه
منى اسفه دى تخصنى بس
هناء ليه يااختى شايفه نفسك الشيف شربينى
منى بضحك لا الشبف منى عن اذنكم هشيل الاطباق يالا يادومى انت ونواره
حماتها هو انتى مشغله الواد معاكى ده راجل
ادهم وفيها ايييه مش عيب اساعد امى واختى
محمد باباه. ماما مش هتاخدى منه حق ولا باطل
ادهم ليه يابا انا بعمل زى رسولنا الكريم لما كان بيعمل ولنا قدوة حسنه فى رسولنا الكريم
عمه ماشاء الله عليك ياادهم ربنا يحفظك ويبارك فيك
ادهم تسلم ياعمى عن اذنكم اساعد ماما وشال الاطباق مع مامته واخته ومامته شطبت المطبخ وهو خرج بالعصاير والحلويات وقعدوا فتره كلوا الحلوبات وشربوا شاى وبعد فتره مشيوا وكل واحد رجع بيته وادهم واخته استاذنوا من مامتهم وباباهم ودخلوا اوضهم
زوج منى. متشكر يامنى الاكل يشرف
منى كله من خيرك يامحمد
محمد خير لييه يامنى انتى مطلبتيش منى فلوس
منى فلوسى وفلوسك واحد انا عزمت اهلك اعزم انت اهلى
محمد ياسلام من عيني شوفى عايزاهم يجيوا امتى وانا اديلك الفلوس
منى خليها على اول الاسبوع علشان مش هينفع اخد اجازه تانى
محمد ماشى بس قوبيله انتى مالك حلوه انهارده
منى انا ياحبيبي طول عمرى حلوه وادلعت ودخلت اوضتها بدلع وهو وراها الليله ليلتك ياابن سعاد وخدوا بعض فى معركه ولااروع
وهنا منى ماتعبتش نفسها مش العزومه وحوزها اتبسط ان هى شرفته قداﻤ اهله بعزومة رمضان
اسكريبت عزومة رمضان
مريم سيد ام البنات