مولود جديد للكاتبة " حبيبة مؤمن" يصدر عن كيان اللا رواية للنشر الإلكتروني وبدعمكم قد يتحول الحلم لحقيقة وتصبح ورقى
إسم العمل : يوميات اللارواية الرمضانية
المؤلفة: حبيبة مؤمن
دار النشر : اللارواية للنشر الالكتروني
سنة النشر : 2023
التصنيف : اسكريبت
تصميم الغلاف : ميري عماد
_ الو ، ايوة يا ماما
- ازيك يا حبيبتي
_ الحمد لله ، عايزة ايه يا ماما
- ايه دا هو انا لازم ابقا عايزة حاجة عشان اتصل على بنتي حبيبتي ؟
_ يا ماما انجزي الرصيد مش ببلاش ، وايوة انتِ مش بتتصلي الا لو عايزة حاجة
- طيب يا جزمة هاتي معاكي وأنتِ راجعة من الكلية كيلو بلح ولا اقولك هاتي اتنين كيلو ، وعايزة قمر الدين وعايزة ...
_ ايه كل دا يا ماما ، وبعدين مش هو احنا رحنا من يومين السوق وجبنا كل حاجة علشان شهر رمضان ؟ دا حتى لسه ملحقناش نصوم عشان الحاجة تخلص ، ثم اني تعبانة ومش قادرة اقف على رجلي ، والموقف زحمة ومش عارفة هروح امتى
- والله لوما اني كنت بموت وانا بولدك ما كنت صدقت انك بنتي ، جرا ايه لكل الكلام دا ، يا بنتي يا حبيبتي الشهر دا بالسنة كلها وإذا كان مدلعناش نفسنا هندلع مين ؟ اخلصي انتِ بس وهاتي الحاجة معاكي
_ طيب ومين هيدفع ؟
-
_ الوو ، الووو
مهو يعني مش عشان انا الاخت الكبيرة يعني يحصل كل
دا فيّا ، واخدين عني فكرة غلط خااالص ، اي حد يعوز حاجة روحو لحبيبة ، يكونش يعني حبيبة عندها بنك ومخبياه عنهم ؟؟! انا عايزة الغي الفكرة دي لو سمحتم .
هو دا بيحصل في كل عيلة يعني ولا بس احنا اللي شاذين عن القاعدة ؟؟ مبنفتكرش نفسنا غير على اخر لحظة واياً كانت المناسبة لازم وحتماً بتاً نتأخر ...
رمضان السنادي جاي علينا بحاجات جديدة واحاسيس اجدد ناس عزاز علينا مبقوش موجودين وناس جديدة اتضافت لحياتنا وزادتها قيمة وناس موجودة من سنين وغلاوتهم بتزيد وكأننا بنعرفهم اول وجديد وبنوقع في حبهم برضو ، وفي اللي لسه بيدس السم في العسل... لو هقعد اصنف الناس مش هخلص ، بس وأخيراً شهر الخير هل علينا النفوس هترضى والقلوب هتتجبر والعقول هترتاح ، يا ريت كل السنة رمضان فعلا !! إلا انه لما اقعد مع نفسي وافكر واسرح في الدنيا بقول لو انه كل السنة رمضان فعلا فمش هنتبسط بيه ، بل بالعكس هيبقى تقيل على القلوب ، ف سبحان الله العظيم اللي له حكمة في كل حاجة ...
- نازلة هنا يا أبلة ؟
_ ( هو الكائن دا بيتكلم مع مين معلش ) ايوة هنا .
- جاية ، جااية ياللي بتخبط عالباب جاية .
_ سنة عشان تفتحو الباب ؟؟ قالى يعني الشقة 300 متر .
- هو انتِ ، كنا مرتاحين من زنك
_ لا الحمد لله وصلت عشان اطبق على نفسكم ، المهم احط الحاجة فين ؟
- حطيها مكان ما تحطيها بس المهم تلحقي ترتاحي وتقرأي الورد بتاعك قبل ما تنسي ، زي ما هو شهر للدراسة والشغل والطبخ هو كمان للعبادة ومتخليش حاجة تلهيكي عنه نهائياً.
_ حاضر يا ماما ، فكرتيني اقولك الفلوس اللي ادتيهالي وصلت للناس اللي قولتيلي عليهم بس يا ماما هو مش احنا بندفع الزكاة في اخر عشر ايام ؟ ليه المرادي بدري اوي كدا ؟
- لانها مش زكاة يا حبيبتي ، وهو يُفضل اني مقلكيش بس هقولك عشان تتعلمي الحاجات الحلوة دي وتتعودي عليها ، لازم تتصدقي عن نفسك وصحتك يا حبيبتي وفي كل وقت مش لازم في شهر رمضان لكن عشان الاجر يتضاعف والله تعالى أولى واعلم .
= حبيبة انتِ جيتي ؟؟
_ لا لسه في الطريق يا خفيفة .
= طيب معلش لغاية ما تيجي يا ظريفة هو انا ممكن اخد الطقم بتاعك النهاردة على الدرس لو سمحتي ؟
_ ايه دا ؟؟ من امتى دااا
= اني اخد الطقم ؟
_ لا ، انك تستأذني ، استغربت الصراحة
= هو انا كدا كدا هاخده بس عشان شهر رمضان قلت استأذن واخد اجر وثواب .
_ والله قلبي كان حاسس انك في وراكي حاجة ، مش لله يعني ، خديه يا بنتي منش بينا الحاجات دي وربنا يوفقك يارب ، وعايزة انصحك انه تمام ذاكري واهتمي بدروسك الا انه متخليهاش تيجي على صحتك وعبادتك تمام يا حبيبتي ، اعطي كل حاجه حقها .
= تمام .
_ اما اروح ارتاح شوية ...
- رايحة فين يا حبيبة مامتك ؟ القطايف مين هيملاها خوديها يا بت واعمليها قبل ما يأذن .
_ عايزة ارتاح يا بشر مش كفاية الكلية اللي ممرمطاني فيها دي من الساعة 8 الصبح لل 4 العصر تقوليش موظفة حكومية ، بالله عليكي خلي حنان تعملهم .
= حنان مش فاضية عندها درس ، وكمان انا اللي حجزت السلطة اعملها ، انتِ اعملي القطايف وسلام اديني نازلة .
_ واطية واطية مفيش كلام.
• صوت الدوشة دا جاي منين ؟
_ يا اهلا باحلى بابا في الدنيا .
• اهلا بيك يا حبيبةِ ، اخبار الكلية ايه هاتي القطايف اعمليهم وقولي لي.
_ حالا ابدل هدومي واجي طيارة بإذن الله.
- شوف البت بقالي ساعة اقولها تعملهم مش عايزة
• ودا ملفتش نظرك لحاجة انها وافقت اول ما انا قولتلها .
_ برا يا ابو حبيبة ، تتهنى انت وهي بس بعيد عن وشي مش ناقصة تقل دم السعادي .
_ وبعدها وصلت البيت ، وبس كدا يا بابا ، دا كان يومي.
• ربنا يوفقك يا حبيبتي ، بقولك قومي جهزي السفرة ، اخوكي على وصول واختك كمان ، وعشان تساعدي مامتك ، خلاص المغرب في اي لحظة هيأذن .
_ حاضر يا بابا .
- ما تشغلو التلفزيون عشان نسمع المدفع زي زمان .
_ حاضر يا ماما وبعدها نشوف رامز
= لا انا عايزة اشوف المسلسل التاني
° اسكتي انتِ وهي ، احنا عندنا ماتش عايزين نشوفه
• بس ، اسكتو كلكم دلوقتي استغلوا الوقت المبارك في الدعاء ، واطلبوا كل حاجة انتم عايزينها من ربنا وبعدها نحدد نشوف ايه .
بسم الله الرحمن الرحيم ، اللهم اني لك صمت وعلى رزقك افطرت ، ذهب الظمأ وابتلت العروق وثبت الاجر ان شاء الله.
يمكن قصتي مألوفة للكل لانها الواقع اللي بنعيشه ، احمدو ربنا على الدفى اللي موجود في المواقف الصغيرة قبل الكبيرة في عيلتكم ، لان غيركم محروم من أبسط الحاجات دي ، رمضان كريم وكل سنة وانتم طيبين يارب
واه لو حد تسائل في الاخير شوفنا ايه ، طبعا رامز وهفضل انتظر حلقة ياسمين عز نشوف استااااذ رامز هيعمل فيها ايه
- ازيك يا حبيبتي
_ الحمد لله ، عايزة ايه يا ماما
- ايه دا هو انا لازم ابقا عايزة حاجة عشان اتصل على بنتي حبيبتي ؟
_ يا ماما انجزي الرصيد مش ببلاش ، وايوة انتِ مش بتتصلي الا لو عايزة حاجة
- طيب يا جزمة هاتي معاكي وأنتِ راجعة من الكلية كيلو بلح ولا اقولك هاتي اتنين كيلو ، وعايزة قمر الدين وعايزة ...
_ ايه كل دا يا ماما ، وبعدين مش هو احنا رحنا من يومين السوق وجبنا كل حاجة علشان شهر رمضان ؟ دا حتى لسه ملحقناش نصوم عشان الحاجة تخلص ، ثم اني تعبانة ومش قادرة اقف على رجلي ، والموقف زحمة ومش عارفة هروح امتى
- والله لوما اني كنت بموت وانا بولدك ما كنت صدقت انك بنتي ، جرا ايه لكل الكلام دا ، يا بنتي يا حبيبتي الشهر دا بالسنة كلها وإذا كان مدلعناش نفسنا هندلع مين ؟ اخلصي انتِ بس وهاتي الحاجة معاكي
_ طيب ومين هيدفع ؟
-
_ الوو ، الووو
مهو يعني مش عشان انا الاخت الكبيرة يعني يحصل كل
دا فيّا ، واخدين عني فكرة غلط خااالص ، اي حد يعوز حاجة روحو لحبيبة ، يكونش يعني حبيبة عندها بنك ومخبياه عنهم ؟؟! انا عايزة الغي الفكرة دي لو سمحتم .
هو دا بيحصل في كل عيلة يعني ولا بس احنا اللي شاذين عن القاعدة ؟؟ مبنفتكرش نفسنا غير على اخر لحظة واياً كانت المناسبة لازم وحتماً بتاً نتأخر ...
رمضان السنادي جاي علينا بحاجات جديدة واحاسيس اجدد ناس عزاز علينا مبقوش موجودين وناس جديدة اتضافت لحياتنا وزادتها قيمة وناس موجودة من سنين وغلاوتهم بتزيد وكأننا بنعرفهم اول وجديد وبنوقع في حبهم برضو ، وفي اللي لسه بيدس السم في العسل... لو هقعد اصنف الناس مش هخلص ، بس وأخيراً شهر الخير هل علينا النفوس هترضى والقلوب هتتجبر والعقول هترتاح ، يا ريت كل السنة رمضان فعلا !! إلا انه لما اقعد مع نفسي وافكر واسرح في الدنيا بقول لو انه كل السنة رمضان فعلا فمش هنتبسط بيه ، بل بالعكس هيبقى تقيل على القلوب ، ف سبحان الله العظيم اللي له حكمة في كل حاجة ...
- نازلة هنا يا أبلة ؟
_ ( هو الكائن دا بيتكلم مع مين معلش ) ايوة هنا .
- جاية ، جااية ياللي بتخبط عالباب جاية .
_ سنة عشان تفتحو الباب ؟؟ قالى يعني الشقة 300 متر .
- هو انتِ ، كنا مرتاحين من زنك
_ لا الحمد لله وصلت عشان اطبق على نفسكم ، المهم احط الحاجة فين ؟
- حطيها مكان ما تحطيها بس المهم تلحقي ترتاحي وتقرأي الورد بتاعك قبل ما تنسي ، زي ما هو شهر للدراسة والشغل والطبخ هو كمان للعبادة ومتخليش حاجة تلهيكي عنه نهائياً.
_ حاضر يا ماما ، فكرتيني اقولك الفلوس اللي ادتيهالي وصلت للناس اللي قولتيلي عليهم بس يا ماما هو مش احنا بندفع الزكاة في اخر عشر ايام ؟ ليه المرادي بدري اوي كدا ؟
- لانها مش زكاة يا حبيبتي ، وهو يُفضل اني مقلكيش بس هقولك عشان تتعلمي الحاجات الحلوة دي وتتعودي عليها ، لازم تتصدقي عن نفسك وصحتك يا حبيبتي وفي كل وقت مش لازم في شهر رمضان لكن عشان الاجر يتضاعف والله تعالى أولى واعلم .
= حبيبة انتِ جيتي ؟؟
_ لا لسه في الطريق يا خفيفة .
= طيب معلش لغاية ما تيجي يا ظريفة هو انا ممكن اخد الطقم بتاعك النهاردة على الدرس لو سمحتي ؟
_ ايه دا ؟؟ من امتى دااا
= اني اخد الطقم ؟
_ لا ، انك تستأذني ، استغربت الصراحة
= هو انا كدا كدا هاخده بس عشان شهر رمضان قلت استأذن واخد اجر وثواب .
_ والله قلبي كان حاسس انك في وراكي حاجة ، مش لله يعني ، خديه يا بنتي منش بينا الحاجات دي وربنا يوفقك يارب ، وعايزة انصحك انه تمام ذاكري واهتمي بدروسك الا انه متخليهاش تيجي على صحتك وعبادتك تمام يا حبيبتي ، اعطي كل حاجه حقها .
= تمام .
_ اما اروح ارتاح شوية ...
- رايحة فين يا حبيبة مامتك ؟ القطايف مين هيملاها خوديها يا بت واعمليها قبل ما يأذن .
_ عايزة ارتاح يا بشر مش كفاية الكلية اللي ممرمطاني فيها دي من الساعة 8 الصبح لل 4 العصر تقوليش موظفة حكومية ، بالله عليكي خلي حنان تعملهم .
= حنان مش فاضية عندها درس ، وكمان انا اللي حجزت السلطة اعملها ، انتِ اعملي القطايف وسلام اديني نازلة .
_ واطية واطية مفيش كلام.
• صوت الدوشة دا جاي منين ؟
_ يا اهلا باحلى بابا في الدنيا .
• اهلا بيك يا حبيبةِ ، اخبار الكلية ايه هاتي القطايف اعمليهم وقولي لي.
_ حالا ابدل هدومي واجي طيارة بإذن الله.
- شوف البت بقالي ساعة اقولها تعملهم مش عايزة
• ودا ملفتش نظرك لحاجة انها وافقت اول ما انا قولتلها .
_ برا يا ابو حبيبة ، تتهنى انت وهي بس بعيد عن وشي مش ناقصة تقل دم السعادي .
_ وبعدها وصلت البيت ، وبس كدا يا بابا ، دا كان يومي.
• ربنا يوفقك يا حبيبتي ، بقولك قومي جهزي السفرة ، اخوكي على وصول واختك كمان ، وعشان تساعدي مامتك ، خلاص المغرب في اي لحظة هيأذن .
_ حاضر يا بابا .
- ما تشغلو التلفزيون عشان نسمع المدفع زي زمان .
_ حاضر يا ماما وبعدها نشوف رامز
= لا انا عايزة اشوف المسلسل التاني
° اسكتي انتِ وهي ، احنا عندنا ماتش عايزين نشوفه
• بس ، اسكتو كلكم دلوقتي استغلوا الوقت المبارك في الدعاء ، واطلبوا كل حاجة انتم عايزينها من ربنا وبعدها نحدد نشوف ايه .
بسم الله الرحمن الرحيم ، اللهم اني لك صمت وعلى رزقك افطرت ، ذهب الظمأ وابتلت العروق وثبت الاجر ان شاء الله.
يمكن قصتي مألوفة للكل لانها الواقع اللي بنعيشه ، احمدو ربنا على الدفى اللي موجود في المواقف الصغيرة قبل الكبيرة في عيلتكم ، لان غيركم محروم من أبسط الحاجات دي ، رمضان كريم وكل سنة وانتم طيبين يارب
واه لو حد تسائل في الاخير شوفنا ايه ، طبعا رامز وهفضل انتظر حلقة ياسمين عز نشوف استااااذ رامز هيعمل فيها ايه