مولود جديد للكاتبة " أسماء عبد الهادي" يصدر عن كيان اللا رواية للنشر الإلكتروني وبدعمكم قد يتحول الحلم لحقيقة وتصبح ورقى
إسم العمل : يوميات اللارواية الرمضانية
المؤلفة: أسماء عبد الهادي
دار النشر : اللارواية للنشر الالكتروني
سنة النشر : 2023
التصنيف : اسكريبت
تصميم الغلاف : ميري عماد
قصة رمضان
اتجمعت عصابه البنات قصدي شله الانس في البيت الخاص بالعيلة وخاصة في اوضة نور
وقالت
_وبعدين يا بنات الوقت بيمر مننا ولسه معملناش اي حاجة من اللي خططنا ليه
دانا
_نعمل ايه الشباب مشغولة في الشركة ومحدش فاضي
نور
_اذا نتصرف احنا من نفسنا وننفذ خطة أ او ب
فتحت جودي بوءها
_هار ابيض وب كمان
نور بمكر
اي نعم
جودى
لا لا يا نور انا خايفة انتوا اخواتكم من زي اخويا
ضحكت دانا
وربنا كلهم ايدهم طارشة زي بعض
نور
_بالظبط كدا علشان كدا انطلقوا يا بنات ولا تبالوا يلا المهم تحطوا الهدف جوا عنيكم لاننا مفلسين ومكحرتين خالص فميش قدامنا حل الا دا
جودي بخوف
_ربنا يستر
نور مدت أيدها وحطوها في ايدين بعض
على خيرة الله
___
وتاني يوم الصبح
دخلت نور اوضة اخوها علشان تنفذ الخطة
_كيمو كيمو
كريم بنوم
_ عايزه ايه يا بنتي
_قوم بقى يا كريم كل ده نوم
_لخصي يا زفتة وقولي عايزه ايه على الصبح
_ حيث كده بقى ندخل في الموضوع على طول
_ اه يا ريت هاتي من الاخر
نور _حيث كده بقى يا كيمو انا كنت محتاجه فلوس
_ ايوه ما انا عارف كنت عارف ان الموضوع وراه فلوس ما انتي مش بتعرفيني غير في الفلوس وبس
_ عيب عليك يا كيمو بعرفك في الفلوس والمصايب ولا انت نسيت
_ اه صح انت هتقولي لي
_ها هتجيب لي فلوس بالزوق ولا تحب اطلعهم عليك
_طالما في كلا الحالتين هتاخديهم في النهايه يبقى اوفر وجع القلب على نفسي افتحي عندك درج المكتب بتاعي وخذي اللي انت عايزاه بس ما تأفوريش ها وربنا الوكي هيكسحني بسببك
_ ميرسي يا كيمو يا حبيبي ربنا يخليك للشعب يا رب يلا سلام بقى اروح انصب على اخوك قصدي يعني ااا ..سلام يا كيمو
هز كريم راسه بأن مفيش فايدة في اخته عمرها ما هتتغير ورجع كمل نوم تاني
بصت نور للفلوس اللي فى ايدها وقالت
_حلو اوي كدا ندخل على الوحش الكبير ودا ان شاء الله امره هين طالما قدرت ع كيمو ..بس يا ترى صاحي ولا نايم لسه
ولما خبطت ومسمعتش حد رد عليها عرفت انه لسه نايم
فدخلت بلا تردد
وقربت من سريره
_ليلو ليلو اصحى صحصح فوق.. اصحى معايا وروق
ابتسم لؤي وقال بابتسامة هادية
_صباح الخير ياللي مجنانا خير يا قلبي ع الصبح
_صباح الخير يا احلى ليلو ع الصبح
_ليلو بردو ماشي هعديها بس زي ما اتفقنا الاسم دا بيني وبينك بس بلاش تنزلي هيبتي بين الناس
ضحكت نور
_حاضر حاضر المهم
_ايوا ندخل ف المهم عايزة كام من الاخر
_ايه دا انت عرفت منين اني عايزاك تشخلل جيبك كدا
_ليه هو انا تايه عنك
_اممم حيث كدا بقا بلاش نضيع وقت واطلع بالمفيد يا ليلو
_يا بنتي انتي ليه محسساني انك جاية تقلبيني
_فشر ليلو حبيبي لا انما ممكن اقلب كيمو عادي يعني
ضحك لؤى
_ماشي يا لمضة مفيش فايدة فيكي عايزة كام
_كلك مفهومية بقا يا ليلو بس شخلل ايدك شوية ها
_ممم الف كويس
_ممم يعني مش بطال بالنسبة اني لسه هقلب ماما وبابا
_كمان انتي ناوية على ايه يا بنت انتي
_كل خير وربنا وهتشوف
_يا خوفي منك
_عيب عليك يا هندسة
_وربنا شكلك صبي تباع فى موقف
_ههه مقبولة منك يا ليلو يلا سلام بقا
__
ع الجانب التاني
قررت دانا انها تروح اوضة اخوها مازن فلقته خارج من اوضته بعد ما لبس وجهز واستعد انه يروح ع شغله فقالت
_مازن صباح الخير
_صباح النور يا ديدو ها عاملة ايه
_انا كويسة الحمد لله بس ااا
_بس ايه شكلك عايز يقول حاجة خير
_بصراحة بقا يا ميزو انا محتاجة فلوس
_ودا من ايه ان شاء الله
_يعني ايه
_يعني انتي اظن اخدتي مصروفك الشهر دا ليه عايز فلوس تاني
_محتاجاها يا ميزو ضروري
_ليه يا بنتي لحقتي خلصتي مصروف الشهر لا مش ممكن انا كدا هزعل منك وانتي عارفة زعلي
_لالا ربنا ما يجيب زعل كل الحكاية اني محتاجاهم ضروري يا مازن من فضلك من فضلك
_هعطيهم ليكي بس بشرط تقوليلي عايزاهم ليه
_ ما هو مش هينفع ابدا ابدا اني اقولك بأي حال من الأحوال بتاتا ابدا
_باس باس ايه كل دا
_هتعطيني الفلوس ؟
_عايزة كام اخلصي
_الف جنيه بس
_نعم ياختي
_ايه يا ميزو دا انت ابو الكرم
_هما ٢٠٠ جنيه بس اللي هعطيهم ليكي
_يعملوا ايه دول مش هيكفوا حاجة
_دا اللي عندي
_طب هات كمان زيهم علشان خاطري علشان خاطري
_مش هخلص من زنك ماشي يا ستي اتفضلي
باسته
_شكرا يا احلى اخ ف الدنيا وتمت المهمة بنجاح
_مهمة ايه يا ديدو خدي هنا
قالت وهي بتجري ع اوضتها
_لالا متاخدش ف بالك يلا سلام
__
نيجي بقا لجودي اللي كانت بتقدم رجل وتأخر التانية وخايفة تدخل لأخوها لانه الأكتر عصبية وحدة من بقية شباب العيلة
_ياربي انا خايفة بس هدخل وامري لله
خبطت الباب
مراد اللي كان واقف قدام المرايا بيلبش جاكيته
_ايوا مين
_دي انا يا أبيه مراد جودي
_ادخلي يا جودي تعالي
_صباح الخير يا ابيه
_صباح النور يا جميلة عاملة ايه
_الحمد لله بخير طول ما حضرتك بخير
_خير يعني مش بعادتك تصحي بدري يوم الاجازة
_اه فعلا بس اصل رايحين مشوار كدا انا وبالبنات
_قولتيلي بقا مشوار ايه دا
_مشوار كدا يا ابيه
_يعني سر حربي ما تقولي يا بنتي رايحين فين
_سيبك انت يا ابيه من دا دلوقتي واعطيني مما اعطاك الله
_نعم!! انتي هتشحتي
_اينعم ومن فضلك اعطيني الفلوس
دا امر بقا
_لا لا العفو دا رجاء
_وان قلت لا
_يبقى كدا هتشمت نور فيا لاني هكون انا الوحيدة اللي مقدرتش اخد فلوس من اخويا
_اه هيا فيها نور قولتيلي يبقى بتحضر لمصيبة جديدة مش كدا
_لالا مش مصيبة .. ممم يعني هي حاجة زي كدا
ضحك مراد
_تيجي ازاي دي
_ها يلا بقا يا ابيه دا انا جودي اختك حبيبتك
_ماشي هعطيكي الفلوس بس لو عرفت انكم صرفتوها في اي كلام هيكون عقابي معاكم انتم الثلاثة عسير اوي
بلعت ريقها بخوف
_ها لا لا مش اي كلام والله وهتشوف يا ابيه
_ماشي اتفضلي الفلوس اهي
بصت للفلوس بفرحة
_شكرا جدا يا ابيه متحرمش منك
ابتسم لها وكمل لبسه .. وحط البرفيوم الخاص بيه وخرج
فقابل لؤى بيخرج من اوضته
_صباح الخير يا لؤي
_صباح الخير يا مراد ايه اتقلبت انت كمان ولا لسه
_ايه دا حتى انت هو ايه اللي بيحصل
انضم ليهم مازن
_دا شكل الموضوع كبير
لؤي
_وانت كمان دانا اخدت منك فلوس... لا البنات شكلها بتحضر لمصيبة
مازن_ ربنا يستر
مراد_ انا حذرت جودي مش هسمح بشغل مجانين
جه كريم وقال
_طالما فيها نور يبقى انما حلت تحل المصائب
ضحكوا الشباب
مراد بلهجة امرة
_طيب يلا يا شباب ورانا شغل مفيش وقت للهزار دا دلوقتي
وبعد ما الشباب راحوا ع شغلهم
واللي كانت نور بتابعهم من بلكونة اوضتها
بعتت للبنات ع جروب الدردشة الخاص بيهم
_ يلا يا بنات الطريق سالك دلوقتي الكل يلبس ويجهز يلا مفيش وقت
دانا
_ وماما وبابا يا نور
_لا سيبهم عليا البسي انتي بس
وبالفعل البنات لبست واستعدت
وراحوا اشتروا كل حاجة
وفي البيت طلعوا كل حاجة اشتروها وحطوها ع سرير نور
نور مسكت حبال النور وزينة رمضان بفرحة
_ الله اخيرا رمضان باقي عليه كم يوم بس ... انا فرحانة اوي
دانا
_ فرحة قدوم رمضان لا تعوض بثمن والله ربنا يهله علينا باليمن والخير والبركات يارب
جودي
_ اللهم آمين يارب... ها يا بنات هنعلق الزينة امتا وازاي
نور بمكر
_ لا مهمة تعليق الزينة دي ع الشباب زي كل سنة اما امتا بقا دي بعد ما نقدم ليهم هدية كل سنة واللي المرة دي غير.. دا احنا صرفنا كل اللي معانا علشان نجيبها
جودي
_ يا خوفي يا نور من رد فعلهم ع الهدية
نور
_بس يا بنت انتي بطلي خوف بقا وخلي قلبك قلبك اسد
جودي
_لا يا اختي انا قلبي قلب قطة رهيفة
دانا
_ اه ما انتي مش اخواتك زي مراد اخوها التفاهم معاه بالايد علطول
حطت جودي ايديها على قفاها
_ اه والله انا قفايا اشتكى
ضحكت البنات
ونور قالت
_ ههه انتي ليه محسساني ان اخواتي نسمة دا كيمو عليه قرصة بتخليني انط من مكاني
ضحكت دانا
_بصراحة يا نور ليه حق يعمل اكتر من كدا انتي يا بنتي بتجننيه وبتخرجيه عن شعوره
نور بمسكنة
_انا دا انا طيوبة خالص ومش بعمل اي مصايب خالص مالص
جودي
_ ههه اه فعلا خالص لدرجة انك مش مدبسانا معاكي في مصايبك
نور
_ وانا مالي يا ختي انتي اللي اخوكي مراد قفوش
دانا
_المهم يا بنات هنقدم ليهم الهدية ازاي وازاي هنجمعهم مع بعض في مكان
نور
_سيبي المهمة دي عليا .. هاخد عربية بابا ع السريع واروح الشركة واسلمها في الاستقبال واقولهم يسلموا البوكس دا فوق للإدارة من غير ما يقولوا مين صاحبه وان صاحب البوكس اشترط ان كلهم يكونوا متجمعين وهما بيستلموا الهدية وبيفتحوها وبس كدا والف الف مبروك وكل سنة وهما طيبين
وبعدها ضحكت
_مش متخيلة رد فعلهم ابدا اكيد هيكون مسخرة
دانا
_طب يلا يادوب تلحقيهم قبل ما يجيوا على هنا
نور
_اه اوام رايحة اهو سلام يا بنات
جودي
_عمو هيوافق تاخدي عربيته؟
نور_ يا بنتي عيب عليكي انا اصلا معايا مفاتيح عربيات ماما وبابا
دانا
_دي نور يا جودي معاها متشيليش هم ابدا
ضحكت جودي _عل. رايك فعلا ملهاش حل
__
في الشركة
كريم كان قاعد مع مازن
_تفتكر يا مازن البنات عايزة الفلوس ليه بما اننا كلنا كدا اتقشطنا من البنات
مازن وهو بيقلب في الورق قدامه
_اكيد طبعا علشان يجيبوا زينة رمضان زي كل سنة .. كل سنة وانت طيب رمضان ع الابواب
_لا لا مش معقول كل الفلوس دي علشان زينة رمضان مش معقول
_انت تايه عن البنات يا كريم اكيد بقا هيجيبوا كمان اسدالات للصلاة والحاجات اللي زي دي بردو دول وكأنهم ليفتكروا بس في الوقت دا انهم معندهمش حاجة خالص وعايزين ينزلوا يشتروا كل حاجة
كريم
_معاك حق وياسلام بقا لو شافوا فانوس او عروسة بوجي وطمطم
مازن
_اه يا ابني موال طويل ملوش اول من اخر
كريم
_طب تفتكر هيجيبوا ايه هدية السنة دي لينا
_ممم مش عارف ومش عايز اعرف
ضحك كريم
_ليك حق والله... فاكر رمضان اللي فات جابوا لينا كل واحد ايه .. شربات فردة لون وفردة لون .. بقا احنا ع اخر الزمن نلبس شربات فردة وفردة
مازن
_طب الشربات مبلوعة أهي مدارية ومش بتبان اوي .. انما لؤي ومراد يعملوا ايه اللي طلع نصيبهم كرفات ع شغل ميكي ماوس
ضحك كريم
_ههه لو كانوا لبسوها كان زمان شكلهم مسخرة.. البنات ملهاش حل مصايب متنقلة
مازن
_بس تعرف رغم كل دا عاملين جو للبيت حلو اوي من غيرهم كان الفيلا كئيبة وملهاش حس البنات فاكهة البيت فعلا والله
كريم
_لا مش معاك أبدا فاكهة ايه قول قنابل ذرية متنقلة
هنا دخل لؤى ووراه مراد
مراد
_مساء الخير يا شباب ايه اخبار الشغل شكلكم كنتوا بتلعبوا مش بتشتغلوا
كريم
_كنا بنأخد فاصل ونواصل يا مراد احنا مش مكنة شغل
مازن للؤى
_ايه اللي في ايدك دا
حط لؤى البوكس ع المكتب
_مش عارف البوكس دا جاي لينا احنا الاربعة ومش عارفين من مين
كريم
_اكيد دا بوكس رمضان من حد من العملا اللي بنتعامل معاهم كهدية يعني اكيد هنعرف لما نفتحه البوكس باين عليه قيم اوي
مازن
_صحيح البوكس الظاهر كدا بمبلغ وقدره وما خفي كان اعظم
مراد
_خلينا نفتح نشوف ولو اني مش متفائل بالبوكس دا وحاسس كدا بشعور غريب تاجهه
كريم
_لا مراد بقولك ايه مش وقته عقد من فضلك .. دا اول مرة يجيلنا بوكس رمضان يا عم احنا اللي متعودين نكع بوكسات وهدايا لاخواتنا البنات .. افتح يا لؤي افتح
وبالفعل التف الكل حوالين البوكس وفتحه لوى فلقى ورقة مكتوب فيها _بمجرد سماع الصوت دا يبقة دا معناه ان نهايتهم خلاص خلال ثواني معدودة واخيرا قدرت احقق انتقامي منكم يا احفاد المنياوي يا خسارة رمضان هيبقى وحش من غيركم هتوحشونا اوي تشاو
الشباب بصوا لبعض بريبة
ولؤى مد ايده وشال قصاصات الورق الملون فظهر قنبلة موقوتة وخلاص بدأت في العد التناولي ١٠ ٩ ٨ ٧
كريم بزعر
_يا نهار اسوح دي قنبلة بحق وحقيقي ..اجروا بسرعة مفيش وقت مازن ولؤي
_بصدمة معقول لينا اعداء توصل بيهم الحقارة لكدا
وكلهم بالفعل نزلوا استخبوا تحت المكتب لان مفيش وقت للهروب
وكريم حط ايده ع دوانه برعب اول ما سمع الانفجار
ونط من مكانه لدرجة ان راسه اتخبطت في المكتب اللي نزل تحتيه
وفجأة كلهم برقوا لما سمعوا صوت جاي من البوكس بعد انفجاره
مازن
_شباب سامعين اللي انا_ سامعينه
لؤى قام وقف وكذلك مراد وبعديهم مازم وكريم
وبصوا للبوكس لقوا فيه صورتهم مع بعض والصندوق طالع منه اغاني _رمضان رمضان جانا هل هلاله وفرحنا به بعد غيابه اهلا رمضان
عيون مراد اتحولت للون احمر قاتم
وكذلك كل الشباب كانوا هينفجروا من الغيظ من المقلب السخيف دا
كريم
_اكيد شلة المصايب المتنقلة ورا المقلب دا
مازن
_بقا دا اسمه كلام اللي عملوه دا ... دا انا شعر راسي شاب البعدا
لؤي
_لا بجد بيستهبلوا والمقلب المرة دي اوفر اوي
مراد قفل ايده بانزعاج
_وربنا لمربيهم الثلاثة ع الزعر اللي سببوه لينا دا ... انا صدقت انه حقيقي وقلت اللي بيعمل كدا واحد من الشركات المنافسة علشان كدا انطلت الحيلة
لؤي _فعلا معاك حق انا قلت خلاص انتهينا... والتصرف دا مش مقبول منهم
كريم
_ايوة يا مراد انت ولؤي متسكتوش عل اللي عملوه دا
مازن_ فعلا المرة دي مش لازم نسكت
اما بالليل ف البيت
مراد والشباب علقوا البنات مع الزينة
والبنات بتصرخ
_نزلونا نزلونا عاااا
مراد بمكر
_ايه مش كنتم عايزين مننا نعلق الزينة زي كل سنة ادينا علقناها وبنعلقكم معاها
جودي بخوف
_لا علشان خاطري يا ابيه نزلني انا خايفة اقع بخاف من المرتفاعات
مراد
_لا هتفضلوا كدا ومش هتنزلوا
دانا
_خلاص والله اخر مرة اخر مرة
مازن
_انتي تنكتمي خالص بقا دا مقلب تعملوه يا معاتيه
نور
_ايه بوكس رمضان وكل سنة وانتوا طيبين ورمضان كريم عليكم
لؤى
_اشش انتي بالذات يا اس المصائب متفتحيش بوءك انا متأكد انك صاحبة الفكرة دي وانتي اللي منفذاها ما هو مفيش واحدة من البنات تجرؤ ع انها تعمل كدا غيرك
نور
_ايه رأيك يا ليلو مش فكرة حلوة وديفرانت عن كل سنة... مم بحاول اخطط وامخخ علشان ادخل عليكم بكل ما هو جديد
كريم
_ياريتك ما شغلتي مخك المصدي دا يا شيخة
نور
_ايه بس يا كيمو الحق علينا اننا افتكرناكم بحاجة بدل ما انتم معبرتوناش بفانوس بيقول حالوا يا حالوا حتى
كريم
_ااكتمي مش عايز اسمع صوتك خالص ها انا عندي مرارة واحدة مش ناقصة فاقعة
نور
_طب فكني علشان خاطري منظرنا مش لطيف خالص ع فكرة
مراد_ دا جزاتكم ع المقلب البايخ اللي عملتوه دا
نور_ بصوا للجانب الايجابي يا شباب البنات
صارفين ومكلفين والبوكس بشىء وشوياات وحاجة كدا فاخر من الاخر
كريم_ اه ياختي ماهو كله من جيبنا وبفلوسنا
نور _وان يكن المهم اننا جبنالهم هدية دا ف حد ذاته انجاز
لؤي
_ها يا شباب تقريبا كدا كل الزينة ركبت ولا لسه
مازن
_لسه الستارة دي يا لؤي
لؤي
_يخربيت كدا انتوا جابين المحلات كلها.. دي عاشر ستارة نور نعلقها.. هو حد قالكم الكهربا ببلاش؟؟
كريم
_اخ يانا يا كتافي من كتر المناديل اللي علقتها
مراد
_انا تقريبا كدا خلصت كل التابلوهات
مازن
_اه كدا تمام كدا نطلع نغير هدومنا ونرتاح شوية
نور
_ااا احم يا شباب انتوا نسيتوا حاجة مهمة
لؤي
_ايه عايزة ايه
نور _اا احم يعنى انتوا نسيتوا تفكونا
مراد
_لا انتوا هتفضلوا كدا كمان شوية
دانا
_لاااا حرام عليكم انا تعبت نزلوني
جودي
_علشان خاطري يا مراد دا انا اختك حبيبتك
مراد بص لنور
_وانتي مش عايزة تتمسكني انتي كمان يا سوسة انتي
نور
_انا سوسة يخص عليك يا مراد .. عامة مقبولة منك وعارفة انك كلك شهامة وجدعنة وهتسامحنا وهتفكنا
هنا جه والد مراد
_في ايه يا شباب البنات متعلقة ليه كدا
نور
_عمو عمو حبيبي يرضيك الشباب يستقووا علينا ويعلقوناا كدا بالمنظر دا يرضيك يرضيك
والد مراد
_طالما عملوا فيكم كدا يبقا عملتم فيها حاجة مش هينة
كريم
_تصور يا عمي المصايب دول يبعتوا لينا ع الشركة قنبلة موقوتة برسالة تهديد وخلاص كانت على وشك الانفجار
نور
_بس منفجرتش انت هتمثل ابقا ازعل لو كانت قنبلة حقيقية
كريم
_شايف يا عمي البجاحة
والد مراد
_ههه ربنا يعينكم يا ولاد يالا انا طالع فوق اشوفكم غ خير
نور
_عمو انت رايح فين وسايبنا كدا
والد مراد
_لا اتصرفوا مع بعضيكم والشباب مش غلطانين ف اللي عملوه يا نور
جودي
_بابا بليز
والد مراد
_انتوا المرة دي لعبتم مع الوحش فاتحملوا بقا غضبه
نور_ بقى كده يا عمو تتخلى عنه
_معلش بقا يا نور حظكم كدا
نور _عااا لا عمو متسبناش مع الوحوش دول
مراد بنعاس _طب يا شباب انا خلاص فصلت وطالع اوضتي انام حد محتاج مني حاجه
لؤي سند عليه _خدني معاك يا زميلي انا كمان فصلت
مازن وكريم بصوا للبنات بشماته وقالوا _خذونا معاكوا يا شباب
دانا_لا انتم بتهزروا انتم هتمشوا وتسبينوا كدا
مازن
_ابقى خلي خطط نور تنفعك يا دانا
البنات برجاء
_لا يا ميزو خلاص والله اخر مرة اخر مرة
نور _بعد كدا مش هعمل مقلب كبير كدا هخليه مقلب نونو خالص والله
ضحك مازن
_مفيش فايدة... خلاص ماشي يا مراد ننزلهم واخر مرة يعملوها
مراد
_ياسيدي سيبهم للصبح
مازن
_لا خلاص صعبوا عليا
نور
_اه والله احنا غلبانات خالص نزلنا بقا
كريم
_غلبانات واضح واضح
نور_ اسكت انت يا كيمو
مراد_ ايه رايك يا لؤي
نور_ ليلو حبيبي قلبه طيب ومش هيخلصه اللي حصل في اخته
لؤي
_ماشي خلاص نزلهم يا مازن انت وكريم
ولما نزلوا البنات
نور بفرحة
_يحيا العدل يحيا العدل
جودى بانزعاج
_اول واخر مرة اسمع كلامك يا زفتة
نور_ ايه عملت ايه
دانا وجودى وهما ف وضع الهجوم
_احنا هنوريكي عملتي ايه
جريت نور
_يا مااااامااا الحقيني هجوم التتار والبيت كله عليا وانا غلبانة اوي ومش بعمل حاجة خالص
__
وبعد كم يوم الكل كان متجمع قدامي شاشه علشان يسمعوا دار الافتاء المصريه ويعرفوا رمضان امتى بالظبط نور قاعده وزهق
_ يا بابا هو احنا مستنيين ايه بالظبط واحنا خلاص عرفنا من على النت رمضان بكره ان شاء الله وكل سنه وانتم طيبين ليه لازمته القعده والعطله دي
باباها بص لها بحدة
نور بتراجع _لا خلاص يا حج اللي تشوفه وادي قاعدة
فأمها قالت
_يا بنتي باباكي وأعمامك متعودين كل سنة لازم يسمعوا المفتى بنفسهم والعيلة كلها كدا تكون متجمعة
جت ام مازن وشايلة صينية الشاي وابتسمت
_وكمان لازم كوباية الشاي المعتبرة دي لزوم القعدة
نور
_ يا حلاوتك يا طنط هو دا الكلام وياريت لو كان معاها بقا قطعة كيك برتقال يا سلام حبيت
ضحكت ام مراد
_كنت عارفة انك مش بتشربي الشاي الا بالكيك علشان كدا عملتلك
نور_ الله تسلميلي يا طنط بحبك اوي
لؤي ضربها ع دماغها
_انتي يا بت رمضان جه اهو نخف شوية من جنانك دا ها
الكل ضحك
وبعد ما المفتى خلاص اعلن عن ان غدا غرة شهر رمضان
والد نور قال كلامه اللي بيحب يقوله كل سنة
_كل سنة وانتم طيبين يا ولاد وبصحة وسعادة وهنا يارب ودايما متجمعين ومترابطين
الكل أمن على دعائه
_اللهم آمين يارب
كمل والد نور كلامه
_اللهم بلغنا رمضان واجعل لنا نصيبًا من كل خير ينزل فيه، بجودك وأذقنا فيه حلاوة ذكرك، وأداء شكرك واحفظنا فيه بحفظك يا أرحم الراحمين.
الكل_ اللهم آمين يارب
والد مازن
_يلا يا شباب الكل يستعد علشان ننزل نصلي اول صلاة تراويح في المسجد
الشباب
_ مستعدين يا عمو هنطلع بس نلبس جلباب الصلاة
والد مراد
_ايوة يا حبيايبي قدامكم عشر دقايق قبل اذان العشاء توكلنا على الله
نور
_بابا عمو ممكن اطلب طلب صغنون
والد نور
_خير يا بنتي
نور
_انا كنت عايزة انا والبنات نيجي معاكم نصلي في الجامع في مصلي النساء يعني
مراد
_ليه يعني ما تصلوا في البيت هنا سوا ليه تخرجوا
دانا
_الرسول قال لا تمنوا إماء الله مساجد الله
والد مراد
_خلاص يا مراد مفيش مشكلة سيبهم يجيوا يصلوا واهم هيكونوا معاكم توصلوهم في طريقكم
كريم
_ماهو دا سبب اعتراض مراد يا عمي .. البنات دي مصايب متنقلة يعني اينما حلو تحل المشاكل
الكل ضحك
نور
_لا على فكرة انا ببطل الصنف ف رمضان
لؤى
_ايه دا بجد لا دا احنا نعمل حفلة بقا
الكل ضحك تاني
وطلعوا يستعدوا علشان صلاة اول يوم تراويح
وكان شكلهم حلو اوي الشباب في جلباب الصلاة والبنات في الاسدالات
وبعد الصلاة وفي طريق العودة للفيلا
نور شافت اطفال بتلعب بالبومب والصواريخ
نور
_الله انا عايزة العب معاهم من زمان اوي ملعبتش بالصواريخ دي
جودي
_ششش وطي صوتك الشباب ورانا بومب ايه وصواريخ ايه احنا هنعيل
نور_ مليش دعوة انا عيلة وعايزة العب
بسبس.. انت يا شاطر
الولد
_نعم يا أبلة
نور _ممم ابلة ماشي ميضرش ممكن العب بواحدة من اللي معاك دي
الولد فرح وقال
_ماشي تعالي هعلمك
دانا بصت يمين وشمال _يخربيتك هتودينا ف داهية
نور_ ششش محدش اخد باله هي واحدة بس وخلاص
جودي _وربنا انتي مش ناوية تجبيها لبر
وبالفعل نور ولعت الصاروخ وكانت فرحانة بيه_ هاااي حلو اوي
حطت دانا ايدها ع بوء نور
_ششش اسكتي بقا الحمد لله ان الشباب مش منتبهه ووقفوا يسلموا ع اصحابهم ويهنوهم برمضان
نور_ الحمد لله علشان تعرفي ان ربنا بيحبني
جودي
_بنات انا عايزة اتسحر اول يوم شوكو دودو
_نور نعم ياختي شوكو ايه
ضحكت جودي
_بهزر زبادي يا نور زبادي
دانا
_اكيد الشباب قاموا بالمهمة
نو_ر لا انا عايزة اجيب شوكولا
دانا _بس بقا يا طفلة وربنا طفلة
نور _مليش فيه
تعالوا يلا
لؤى جه
_رايحين فين
نور _عايزة شوكولا
لؤي_ ليه خلصتي اللي عندك
نور_ احم ااا ما هو يعني
لؤي_ متكمليش صبرني يارب.. ماشي ارجعوا واحنا هنجيب السحور ونحصلكم
نور _لؤي والشوكولا ها
لؤي بضيق
_ماشي فاكر خلاص
رجعت البنات البيت وبدأت تحط الفينش الأخير للديكور.. حطوا الفارش وستاير الشباك والبلكونات ووحطوا الفوانيس في الكورنر
فجت ام دانا وقالت
_كل سنة وانتوا طيبين يا بنات
جميل اوي المجهود اللي عملتوه في البيت دا .. ودا من عاداتنا ف التعبير عن فرحة رمضان ودخوله... لكن الأهم هو استقبال رمضان بقلوبنا مش بالزينة والأنوار... المهم اننا نعاهد ربنا اننا هنتغير للأحسن ونسيب كل حاجة ممكن تغضبه ... اننا نصفي قلوبنا ونطهرها من اي شوائب علشان ندخل الشهر بقلب ابيض سليم ... وكمان الأهم اننا نحط لنفسنا خطة زمينة نمشي عليها في رمضان
هنا جت ام نور
_علشان كدا انا عملت جدول رمضان دا علشان نمشي عليه كلنا ونتسابق ع فعل الخير ...من قراءة القرآن والاذكار والاعمال الصالحة زي الصدقة وزيارة المريض وغيره
وانضمت ليهم ام جودي
_ وكل يوم هنعمل مسابقة والفايز هيكون ليه جايزة هيحددها هو بنفسه وكل دا كتشجيع لينا كلنا اننا نتسابق على الخير في رمضان ودا الهدف والغاية الاسمى من الشهر
ام نور
_ها ايه رايكم
البنات بفرحة
_الله فكرة حلوة اوي موافقين طبعا وان شاء الله كلنا هنكون حريصين على السبق بإذن الله
ام نور
_ربنا يبارك فيكم يا بنات وبتقبل منا طاعاتنا يارب
__
بعد شوية رجع الشباب
فقال كريم
_انا طالع انام شوية قبل السحور
نور مش هوصيكي تصحيني اتسحر ماشي
نور _تمام يا باشا اعتمد عليا
وفي وقت السحور الكل اتجمع علشان يتسحروا مع بعض
لؤي قال
_فين كريم
نور ضربت ع راسها
_اوبااا انا نسيته خالص يالهوي دا هينفخني
وجريت بسرعة على فوق علشان تصحيه
_كريم كيمو كرملة اصحى بقا فوق الفجر هيأذن يا كريم كريم
ياربي ودا اصحيه ازاي دا
اه لقيتها
كريم كريم الحق يا نهار ابيض فاضل دقيقة واحدة بس على اذان الفجر
قام كريم نط من ع السرير
_ايه نعم فاضل كام ياختاااي وانا اللي كنت جعان وقلت استنى السحور لا وبعتمد عليكي يا نور منك لله يا بعيدة منك لله
ضحكت نور
_يخص عليك يا كيمو بتدعي عليا في فجر رمضان
كريم بضيق
_طب الحقيني ببوء ماية هيبقى لا سحور ولا شربت كمان اه يانا يا غلبي ياني
ضحكت نور
_لا خلاص صعبت عليا قوم يا كيمو بلاش تندب كدا الفجر يا سيدي لسه فاضل عليه ساعة كاملة تقدر تأكل وتشرب براحتك
_يعني انتي كنتي بتشتغليني يا زفتة طب وربنا ما سايبك النهاردة
على السفرة
لؤى
_اول مرة نور تصحي كريم بهدوء وملهمش اي حد صوت ولما سمع صوت نور بتصرخ
_يا ماما الحقيني
ضحك لؤي _لا انا كدا اطمنت ع اختي هي دي نور اللي نعرفها
الكل انفجر في الضحك
وبعد السحور اتوجه الشباب لصلاة الفجر للجامع مراد بفرحة
_اللهم بارك من زمان اوي مشفناش المسجد مليان بالمصلين كدا وكمان الأطفال الصغيرة فرحانة انها خارجة تصلي الفجر في المسجد ...ياااه رمضان دا ربنا بعته لينا رحمه علشان يغسل قلوبنا ويحيها من تاني يارب تقبله منا واجعلنا فيه من الفائزين
اما البنات فصلت جماعة مع بعض في البيت وبعد كدا كل واحدة قعدت في ركن تقرأ الورد بتاعها لحد الشروق وبعد كل كل واحدة اتوجهت لاوضتها علشان تستعد لجامعتها
وع العصر
الكل كان متجمع في البيت
البنات بتساعد في المطبخ والشباب متجمعين مع بعض وابهاتهم بيتناقشوا
والد مراد
_ها يا شباب شنط رمضان جاهزة
مراد_ اه يا بابا جاهزة والعربية برا منتظرين السواق بس وهننطلق نوزعهم علطول
والد لؤي
_ربنا يبارك فيكم يا ولاد ويتقبل منكم، ويجعلكم سبب في دخول الفرحة على قلوب الناس
والد مازن
_الحمد لله رب العالمين ربنا يديم العادة دي دايما يارب ويعينا على اننا نكون عون لاخوتنا المسلمين
الشباب _اللهم آمين
ولما سمعوا بوق العربية
قاموا الشباب
_طب عن اذنكم هننطلق احنا
والد مراد
_ربنا يعينكم يا شباب
اما ف المطبخ وقبل المغرب بخمس دقايق
نور
م_اما انا خلصت السلطة امشي بقا
امها
_عملتي العصبر
_دانا بتعمله يا ماما امشي بقا متبقاش الا كم دقيقة
_مش فاهمة انتي متسربعة ع ايه هتأكلي قبل الكل يعني ولا ايه
ضحكت جودي
_لا يا طنط دي الطفلة عايزة تشوف مدفع رمضان ع الشاشة
الام
_وربنا فعلا طفلة مخلفة طفلة يا ناس
نور _على فكرة بقا ان من ضمن خططي السنة دي اني اروح اشوف المدفع حقيقي لا واطلب من عمو العكسري اني اللي اضربه بنفسي
الام
_عوض عليا عوض الصابرين يارب
باستها نور
_سلام يا ست الكل الحق المدفع
وع السفرة ومتبقاش غير دقيقة واحدة بس
الكل اتجمع حواليها وبدؤا يدعوا في اللحظات الاخيرة المباركة دي
وما هي الا لحظات وضرب مدفع رمضان وصدحت اصوات الاذان في كل مكان بالتكبيرات وبالفرحة مليانة القلوب
لؤي
_كريم ناولني يا ابني التمر دا افطر بيه قبل ما نروح المسجد
والكل فطر ع التمر والمية وبعد كدا راحوا المسجد يصلوا وبعدين رجعوا يفطروا مع بعض في جو مليان بالبهجة والحب والأنس فأيام رمضان ولياليه
رمضان فرصة للتغيير، رمضان راحة للنفوس، رمضان صحة ونشاط.
و اعلم أنّ الشهر المبارك ضيف راحل فأحسن ضيافته فما أسرع ما تذكّره إذا ولىو