مولود جديد للكاتبة " لبنى دراز" يصدر عن كيان اللا رواية للنشر الإلكتروني وبدعمكم قد يتحول الحلم لحقيقة وتصبح ورقى
إسم العمل : يوميات اللارواية الرمضانية
المؤلفة: لبنى دراز
دار النشر : اللارواية للنشر الالكتروني
سنة النشر : 2023
التصنيف : اسكريبت
تصميم الغلاف : ميري عماد
يقول الله -تبارك وتعالى
أعوذ بالله من الشيطان الرجيم
{شَهْرُ رَمَضَانَ الَّذِي أُنزِلَ فِيهِ الْقُرْآنُ هُدًى لِلنَّاسِ وَبَيِّنَاتٍ مِنَ الْهُدَى وَالْفُرْقَانِ فَمَنْ شَهِدَ مِنْكُمُ الشَّهْرَ فَلْيَصُمْهُ وَمَنْ كَانَ مَرِيضًا أَوْ عَلَى سَفَرٍ فَعِدَّةٌ مِنْ أَيَّامٍ أُخَرَ يُرِيدُ اللَّهُ بِكُمُ الْيُسْرَ وَلا يُرِيدُ بِكُمُ الْعُسْرَ وَلِتُكْمِلُوا الْعِدَّةَ وَلِتُكَبِّرُوا اللَّهَ عَلَى مَا هَدَاكُمْ وَلَعَلَّكُمْ تَشْكُرُونَ}
عبدالله شاب عمره 32 سنة مسحراتى بعد ما سمع الرؤية فـ إذاعة القرآن الكريم و كانت بين المغرب و العشاء و عرف ان خلاص رمضان بكرة اخد طبلته و نزل الحارة يعّرفهم زى ما اتعود
عبدالله :: بغُنى و هو بيخبط ع طبلته
اصحى يا نايم اصحى
وحد الدايم
وقول نويت بكره ان حييت
الشهر صايم و الفجر قايم
اصحى يا نايم وحد الرزااااق
رمضااااان كريييييم
أحمد:: كل سنة و انت طيب يا عبدالله رمضان كريم عليك
عبدالله:: و انت طيب يا أبوحميد و خبط تانى ع طبلته يلاااا يا أحمد بسرعة الريح أجرى ع الترواااايح رمضاااااان كرييييم
عم حسن:: هل هلال رمضان كل سنة و انتم طيبين يا شباب
أحمد و عبدالله:: و انت طيب يا عم حسن رمضان كريم عليك
عم حسن:: لـ عبدالله .. و الله يا عبده يابنى رغم شهر الخير له فرحة لوحده بس وجودك كل سنة بيزيد فرحتنا و خصوصا لما تنزل بعد ما تسمع الرؤية و تنزل بين المغرب و العشاء كدا
أحمد:: فعلا يا عم حسن بيزود بهجتنا برمضان أكتر
عبدالله:: كل سنة و انتم طيبين و بخير يارب يديم عليكم البهجة و الفرحة ..
و بالفعل عبدالله بطبلته ابتدى ينادى ع أهل حارته عشان يروحوا المسجد و يصلوا التراويح
ام منى:: بتنادى عليه من شباكها اللى واقفة فيه .. تصدق يا واد يا عبدالله لو مانزلتش بطبلتك ماكنتش عرفت و اتأكدت ان بكرة صيام كل سنة و انت طيب يا منيل
عبدالله:: و انتى بالصحة و السلامة يا أم منى .. بس ليه يعنى ماكنتيش عرفتى هو انتى ماسمعتيش الراديو ولا شوفتى التليفزيون
أم منى:: يا واد هو عندى راديو يا منيل؟ و التليفزيون اللى تنشك منى قالتلى انها شافت الرؤية فيه بس انا قولتلها الواد عبدالله المسحراتى مانزلش يبقى شافوا غلط ياللى تنشكى فـ معامعيك انتى
عبدالله:: بضحك .. لا يا أم منى شافوا صح يلا العشاء أذنت مش هتروحى تصلى التروايح معانا و لا ايه
أم منى:: أيوا يا ولا جاية وراك أهو .. بس لو شوفت فردوس العامشة قولها تحجزلى مكان جنبها فـ اول صف
عبدالله:: حاضر يا أم منى لو شوفتها هقولها
أم منى:: قولها ما تنساش الكرسى يا ولا مش بعرف أقعد فـ الارض يا منيل
عبدالله:: ماشى هقولها
و فعلا ساب عبدالله جارته و مشى و راح المسجد يصلى التراويح فعلا و بعد الصلاة طلع تانى و أخد طبلته و ابتدا يلف فـ الحوارى ينشر بهجته و يحسس الناس بأجواء رمضان و روايحه اللى هلت و شاف الولاد و البنات بيعلقوا الزينات و ابتدا يغنى و يقول
عبدالله:: بغُنى .. يلا يا زينة يا وردة فـ جنينة علقى الزينة ع البلكونة و رمضاااااااان كريييييم
يلا يا عمر يا أحلى م القمر الليلة يحلو السهر مع أجمل شهر و رمضاااااااان كرييييم
وفضل طول الليل لغاية ميعاد السحور يغنى و يطبل و يصحى النايمين و فعلا قدر ينشر بهجته و ضاعف فرحة الناس بـ رمضان و رجع بيته
أم عبدالله:: ست كبيرة فـ السن و قعيدة .. كل سنة و انت طيب يا ضنايا و بتفرح الناس دايما
عبدالله:: باس ايد أمه و انتى طيبة يا أمى و دايما فـ حياتى يا غالية و منوراها .. ارتاحى لغاية ما أعملك أحلى سحور
أم عبدالله:: يابنى بس بتلف ع رجلك من بعد المغرب لغاية دلوقتي و كمان هتقف تعمل السحور كفاية تعب يا حبيبى لغاية كدا و نتسحر زبادى و خلاص
عبدالله:: و انتى زعلانة ليه بقى يا ست الكل و بعدين انا مش تعبان خالص بالعكس انا بحس بفرحة لما بشوف الناس فرحانة و كمان العيال الصغيرة لما تنادى عليا و يقولولى اسمهم عشان انده عليهم بالطبلة و الأغنية .. ماتشغليش بالك يا حبيبتى ربنا بيقدرنى كفاية بس دعاكى ليا
أم عبدالله:: دعيالك يابنى قلبى و ربى راضيين عليك
و بالفعل عبدالله عمل السحور و اتسحر هو و أمه و وضاها عشان تصلى و نزل هو المسجد يصلى الفجر و يقعد لغاية الشروق و بعدها يصلى الضحى و يرجع بيته يطمن ع أمه و ينام و بعد مرور شوية ساعات
صحي من نومه ع جرس الباب و قام فتح و شاف أخواته و عيالهم
خالد:: السلام عليكم و رحمة الله كل سنة و انت طيب يا عبده رمضان كريم عليك يا حبيب اخوك
عبدالله:: بفرحة.. و عليكم السلام و رحمة الله يا كبير .. و انت طيب ياغالى
هبة:: ازيك يا عبده كل سنة وانت طيب
عبدالله:: و انتى بخير يا مرات اخويا رمضااااااان كريييييم ههههههههههههه
هانى:: ازيك يا مسحراتى نص كم كل سنة و انت طيب يا حبيبى ينعاد عليك بالخير
عبدالله:: و انت بالصحة و السلامة يا هنوش بس ايه بقى ليه يعنى نص كم يا باشا
شرين:: عشان مش جيت تنادى عليا يا عمو و تقولى اصحي يا شوشو
عبدالله:: بس كدا انا عينى لـ أحلى شوشو
نادر:: و انا كمان يا عمو
هيثم:: و انا و انا كمان
عبدالله:: من عيونى حاضر
و دخل عبدالله اوضته جاب طبلته و جلدته و ابتدا يخبط عليها و بغُنى اصحي يا شوشو و انت يا نادر يلا يا هيثم أصحوا يا حلوووويييين
يلا يا صايمييييين اصحوااا
شرين:: الله ما أحنا صاحيين يا عمو أهو استنى لما ننام
عبدالله:: قلب عمو انتى يا شوشو يلا بقى روحوا اوضتى كل واحد ياخد فانوسه اللى عليه أسمه
فاطمة:: كل سنة و انت طيب يا عبده و يارب عقبال كل سنة تفضل موجود و تسحر الناس بس ليه جبت لـ العيال فوانيس ما عندهم فوانيسهم بتاعة السنة اللي فاتت
عبدالله:: وانتى طيبة يا مرات أخويا بس دى عادة اتعودت عليها و لغاية ما يكبروا هفضل أجيبلهم الفوانيس طول ما انا عايش و يلا بقى انتى و هبة ادخلوا المطبخ انا حضرتلكم كل حاجة واقف ع التسوية و بس
خالد:: انت زى ما انت مش هتتغير يا عبده كل سنة نيجى اول يوم رمضان نلاقيك جايب الفوانيس و مخلص كل حاجة حتى العصير و البلح تبله
هانى:: حتى الكنافة و القطايف مجهزهم و سايب التسوية بس
عبدالله:: يا شباب انا اتعودت ع كدا من زمان يلا كل سنة و انتم طيبين
أم عبدالله:: كل سنة و انتم طيبين يا ولاد ينعاد عليكم الايام بخير
خالد و هانى:: و انتى طيبة يا ست الكل
هبة:: لـ عبدالله قولى يا عبده انت بتستفاد ايه من شغلة المسحراتى دى
عبدالله:: بصى يا ستى أكيد مش مستفيد منها مدياً يعنى بس كفاية عليا الفرحة اللى بشوفها فـ عيون الكبار قبل الصغيرين اللى بيبقوا مستنيين بعد الرؤية مخصوص عشان اطلع بطبلتى
فاطمة:: انا نفسى بصراحة يا عبده أعرف ايه حكاية المسحراتى دى و جات ازاى
عبدالله:: اسمعى يا فاطمة .. المسحراتى ده أكتر حاجة اشتهر بيها شهر رمضان ده غير الزينة و الفوانيس و الروحانيات الجميلة اللى بتبتدى مع سماع رؤية الهلال و صلاة الترويح و كمان صوت النقشبندى و الشيخ محمد رفعت حاجة كدا و لا فـ الخيال
خالد:: بيقولوا ان اول مسحراتى كان سيدنا بلال صح الكلام ده
عبدالله:: اه طبعا صح .. كان بيمشى فـ الشوارع يصحي الناس للسحور و كان من جمال صوته لما سمعه الرسول عليه أفضل الصلاة و السلام طلب منه يأذن و كان أول مؤذن كمان و بقى مؤذن الرسول
هانى:: و سبحان الله يا عبده مهنة المسحراتى ده جات لها فترة و اختفت و فعلا ع الرغم ان فى حاجات كتير مرتبطة بـ شهر رمضان بس مش زى المسحراتى خالص
عبدالله:: عارف يا هانى انا بتبقى الفرحة مش سيعانى و انا بلف فـ الشوارع و الحوارى و بسمع الولاد و هما بينادوا عليا عشان اغنى بأسمهم
فاطمة:: خلاص يا عبده لازم تيجى عندنا عشان تسحرنا
عبدالله:: انتى تؤمرى يا مرات أخويا أمر
و بالفعل عبدالله كملت فرحته بوجود عيلته معاه اول يوم رمضان و كالعادة بعد التراويح و قرأءة القرآن و قبل السحور بساعتين ابتدا جولته و غناه
اصحى يا نايم اصحى وحد الدايم
وقول نويت بكره ان حييت
الشهر صايم والفجر قايم
اصحى يا نايم وحد الرزاق
رمضان كريم
مسحراتي على طريقة
منقراتي ورا الحقيقة
ستين دقيقة في كل ساعة
ماهيش براعة لو فن دام
في كل كلمة من الكلام
أصحى يا نايم
وحد الرزاق
رمضان كريم
أصحي يا خلود و انتى يا شروق يلا يا فاروق أصحى وووووحد الرزااااااق رمضاااااان كرييييييم
المسحراتى بقلمى
__________لبنى دراز
تمت بحمدالل