مولود جديد للكاتبة " عبير سليم" يصدر عن كيان اللا رواية للنشر الإلكتروني وبدعمكم قد يتحول الحلم لحقيقة وتصبح ورقى
إسم العمل : يوميات اللارواية الرمضانية
المؤلفة: عبير سليم
دار النشر : اللارواية للنشر الالكتروني
سنة النشر : 2023
التصنيف : اسكريبت
تصميم الغلاف : ميري عماد
.jpg)
تمر الشهور علينا ولكن عندما يهل هذا الشهر فإنما يهل بالخير واليمن والبركات يملأ القلوب سعاده وفرحه يملأ البيوت خير وبركه ينزع الكراهيه ويزرع مكانها الحب والعطاء
تعلق الزينه و تصدح صوت الاغاني التي تعلن الفرحه بقدوم ذاك الشهر المبارك يتهافت الجميع على دعوة بعضهم البعض للإفطار ونيل الثواب فما أعظم من ذاك الثواب الا و هو ثواب إفطار صائم
يرجع من الشغل و يدخل على مراته حبيبته : الله الله على الروايح الجميله كل سنه وانتي طيبه يا حبيبتي
رانيا : و انت طيب يا حبيبي يا رب
ايه الحاجات الحلوة دي كلها
حسام : مش عاوز مروان يفتح بؤه بكلمه عمال طول النهار في الشغل حتاكلونا ايه انا مراتي حامل و صايمه لازم تفطرونا فطار حلو و الحلويات إياكم متعملوش حلويات جننني و ربنا
رانيا : هههه هو مروان كده طول عمره كان بيجنن ماما و هو صغير و اول ما الاكل يتحط مبياكلش غير لقمتين و يقوم
حسام : آمال فين سمو الأميرة
رانيا : سمو الأمير جودي نايمه
حسام : حاسس بلهجة غيرة كده
رانيا : و انا حغير ليه ما هي خلاص اكلت مني الجو و انا اتركنت على الرف
حسان :هههههه محدش يقدر يا كل الجو منك يا حبيبة عمري دي كفايه انها حته منك
رانيا :، يا حبيبي يا حسام ربنا يخليك لينا يارب
حسام : و يخليكي لينا يا
ست الكل رانيا انا شامم ريحة هو انتي حطه حاجه في الفرن
رانيا : يا لهوي صينية المكرونه و تطلع تجري على المطبخ
حسام : هههههههه ضاعت عيناك الجميلتان يا شيبوب
بعد شويه ييجي مروان و مراته و عشان تساعد رانيا و يقضوا مع بعض اول يوم شهر رمضان المبارك
مروان :متعرفش انا مبسوط ازاي وانا شايف رانيا سعيده ياحسام
حسام :رانيا دي حبيبة عمري كله ربنا يخليها لية يارب
مروان :ياااه ياحسام كل ما افتكر التعب النفسي و الضغط العصبي اللي كانت فيه قبل ما تدخل حياتها اقول الف حمد وشكر ليك يارب انه وفقكم لبعض
حسام : رانيا احلى حاجه حصلتلي فحياتي وبحمد ربنا انها مبقتش لحد غيري ربنا يقدرني واسعدها العمر كله
مروان :ربنا يخليكم لبعض يارب
حسام :حبيبي يا مروان ربنا يقوملك مراتك بالسلامه يارب بس المفروض والله متصومش ربنا مديها رخصه انها تفطر
مروان : الدكتورة قالتلها عاوزة تصومي صومي بس لو حسيتي بتعب لازم تفطري فهي قالتلي حجرب لو تعبت حفطر
حسام :ربنا معاها ويقدرها يارب
مروان :يارب ياحسام يارب
أحمد بقى عزم الكل فوق سطوح بيتهم على فطور اول يوم رمضان
أحمد و تقى وهما فشقتهم :احمد ياأحمد انت نمت ياحبيبي
فجأة يشدها وتقع فحضنه فتضحك من قلبها : ههههههه مجنون وربنا
احمد :مجنون بحبك يا اميرتي
تقى :كل سنه وانت طيب يا حبيبي
احمد :كل سنه وانتي طيبه ومعايا يانور عيوني
ياااه يا تقى انا لسه مش مصدق لحد دلوقتي انك بقيتي لية ومعايا معقوله ياربي بعد ما كان بيني وبينك زي اللي بين السما والأرض تبقي في يوم وليلة لية انا الله يرحمك ياايمن الله يرحمك ياحبيب اخوك
تقى :ربنا يرحمه يارب
احمد : ايمن وحشني اوي ياتقى
تقى وهي بتحاول تمنع دموع عينيها عشان أحمد ميشوفهاش وليه متبكيش عليه وهو أول من دق ليه قلبها و اول حد عرفت معاه معنى الحب وبرغم علمها الشديد بحب احمد ليه لكن غيرة احمد منه ممكن تزعله لما يشوف دموعها عليه خلاها تحاول تداريها و تدعيله بالرحمه
يالا بقى زمان الكل جاي مينفعش يتجمعوا وانت حضرتك لسه نايم قوم بقى با كسلان
احمد :طب هاتي بوسه و انا اقوم
تقى: حرام عليك انت عاوز تفطرنا
احمد :القبله لا تفطر
تقى: لا يا اخويا انت ملكش امان مضمنكش
تلاقيه قام ناحيتها تطلع تجري في الشقه وهو يجري وراها فجأة يلاقي اللي بيكلمه بابا تيته عاوزاك فوق
احمد: اهلا بهادم اللذات و مفرق الجماعات
تقى :كده بردو يا أحمد مش ده ايمن حبيب قلبك و الله لو جدته سمعتك وانت بتقول عليه كده لتزعل منك
احمد: ايمن ده مش ابني ده حبيبي و صاحبي و اخويا الصغير ده عوض ربنا لينا عن ايمن الكبير
تقى : ربنا يخليه يارب
احمد: امال عشق حبيبتي فين
تقى: مانت عارف مبتسيبش جدتها لحظه دي كوثر الصغيره
بعد شويه تطلع تقى واحمد و ابنهم ايمن و بنتهم عشق و طبعا كوثر هي اللي اختارتلها اسمها بنفسها لأن احمد كان مصمم يسميها كوثر لكن كوثر مرضتش و قالتله يسميها عشق
و كوثر و امنيه و مصطفى و بنتهم ريتاج و حمدي و شريفه و مها و عبد الرحمن و فايزة و فريد و فريال و جوزها و ولادها و عبد العزيز و و فريده و ولادهم احمد و علي
كلهم فرحانين بلمتهم و بضحك ولادهم
و احمد مرضاش يتعبهم و جابلهم طباخين يعملوا احلى فطور لأحلى لمة
كوثر و شريفه و فايزة و ام عبد العزيز قاعدين يتكلموا و يفتكروا ايام زمان و احفادهم بيلعبوا حواليهم و طبعا كوثر كل اللي هاممها أيمن قلبها بيطير عليه و هو بيموت فيها طبعا بتحب احفادها كلهم لكن ايمن ده ليه غلاوة تانيه خالص اول العين ما شافت بقى
لاء و ايه طلع شبه ايمن بالظبط شكلا و مضمونا يعني بقى اسم على مسمى وجوده حسسهم انو ايمن عايش ما متش
كان ابن أحمد و حبيبه و صاحبه و اخوه و حياته كلها اما عشق بقى دي كانت اميرته اللي عاوز يجيبلها نجمه من السما
و ام عبد العزيز كانت فرحانه اوي بولاد عبد العزيز احمد و علي
و فايزة فرحانه ان اشرف ربنا هداه و بقى كويس مع فريال ومبقاش بيضربها و لا بيزعلها مش ناقصها غير فرح بس اللي مصبرها انها مطمنه عليها و بتكلمها باستمرار
و الرجاله بيتكلموا مع بعض
تقى : فرح وحشتني اوي يا فريده
فريده : حيرجعوا قريب ان شاء الله
تقى : ياااه نفسي اشوف بنتها فريده الصغيرة اوي
فريده : فرح بتقوللي بقت بتلاغي و بتقول بابي و مامي
تقى : ههههههه دي تلاقيها مجنناهم
فريده : فرح بتقوللي نادر مبيقومش من جمبها ليل نهار قاعد لها
دي فمرة قالتلي انها يا دوب دفت بس اتصل بتلت دكاترة و من خوفه عليها نسى انه دكتور
تقى : هههههه مجانين هما الاتنين و حيجننوا البنت معاهم
فريده : فرحانين بيها أوي مش مصدقين ان ربنا كرمهم بيها بعد المده دي كلها
فرح : ربنا يخليهالهم يا رب بس تعرفي أحلى حاجه انهم سموها فريده و هي فعلا شبهك يا فريده اوي
فريده : اتنين طلعوا شبهي في العيله دي فريد و فريده ربنا يجعلهم من السعداء يا رب
تقى :وعبد العزيز عامل معاكي ايه
فريده :زيزو ده حبيب عمري كله تعرفي اوقات كتير اقوم من النوم وميهنش علية اصحيه افضل ابص عليه وهو نايم انا لحد دلوقتي وربنا ما مصدقه اننا اتجوزنا حسه اني بحلم
تقى : يا حبيبتي يافريده انتوا الصراحه طولتوا اوي و اتعذبتوا كتير لحد ما بقيتوا لبعض وكل ده بسبب نشوفية دماغك
فريده : الحمد لله يا تقى تعرفي لو عبد العزيز كان اتجوز حد غيري كان زماني اتجننت
تقى :ياحبيبتي ربنا يهنيكم يارب
قاعدين يضحكوا يلاقوهم جايين عليهم
مصطفى و عبد الرحمن هما الاتنين في نفس واحد سلام : قول من رب رحيم
عبد العزيز و احمد : ههههههه ههههههه
امنيه : عاجبكم كده تضحكوهم علينا
مصطفى : عاوزين ايه دخلة ريا وسكينة دي مش مريحاني
مها : خدوا عيالكم عاوزينكم
أحمد : شيلوا شيلوا
مصطفى و عبد الرحمن ياخدوا الولاد : ربنا عالظالم و المفتري
مها : محدش بياكلها بالساهل
امنيه : يا اختي الست عضتني في ايدي و انا بخنقها تقوليش عدوتها
الكل ينفجر من الضحك عليهم
سعاده ماليه الوشوش و فرحه ملهاش حدود
أحمد عينه مش بتنزل من على حبيبة عمره لسه مش مصدق نفسه انهم بقوا لبعض حاسس انه فحلم جميل
و تقى سعادتها بيه و بوجوده فحياتها اكبر من كل سعادة الدنيا
تعالي اهنيه انتي واجفه عندك بتعملي ايه
هند : بساعد البنات يا حبيبي
عبد الوهاب : و تساعديهم ليه أن شاء الله ما هما يعملوا انتي كفايه عليكي اللي انتي فيه اجعدي ارتاحي متعمليش حاجه واصل
جوليلي اكلتي
هند : ما عاوزاش افطر يا هوبه
عبد الوهاب : يا سلام و لما تتعبي لا يا حبيبتي انتي حامل و لزمن تفطري الصيام غلط عليكي و على بتي و اني عايزها تاجي حلوة و جميله أجده شبه امها
هند : ههههههه بس اني تخنت جوي يا عبد الوهاب بجيت عامله شبه الكرنبه و انت مرحمنيش و عمال تزغط فية كيف دكر البط
عبد الوهاب : كرنبه ديه ايه جولي صوبع جلاش سايح في السمنه البلدي ديه انتي جمر و جلوظتي أجده و بجيتي شبه البدر البت دي محلياكي جوي احلى من كل مرة
امينه: انتوا واجفين بتعملوا ايه عنديكم
عبد الوهاب هو اني مش منبه يا اما ان الهانم دي تفطر و مفيش، صيام
امينه : و الله يا بني جلتلها و هي جالتلي اجرب اول يوم و اشوف
عبد الوهاب : طيب و ليه عاد و ربنا مديها ترخيص انها تفطر اني جلت حتفطر يعني حتفطر تعالي معايا اني حاكلك بنفسي
اما اني حطلعها تفطر و ترتاح شويه
امينه : على كيفكم بس خللي بالك لتفطر معاها انت كمان هيا
عنديها رخصه لكن انت معندكش
عبد الوهاب : هههه عسل و ربنا يا ما لا اطمني على ابنك هو انتي، مش عارفاه و اللا ايه عاد
امينه : ما هي المصيبه اني عارفاك
هند : معلش يا هوبه اصلك مفضوح يا حبيبي
امينه : هههه الله يحظك يا هند ربنا يهنيكم و يفرح جلبكم يا رب و تجوميلنا بالسلامه يا رب
ياخدها عبد الوهاب و يطلع و فرحة امينه بيهم ملهاش، حدود ان اخيرا ربنا هدى سرهم وهداهم لبعض
مفيش احلى من السعاده و طعمها الجميل اللي بنستلذ بيه بعد العذاب ومفيش اجمل من حكم القدر اللي، بيكتب لينا نصيب من الفرح بعد الأحزان
مهما دبرنا و رتبنا و خططنا في النهايه مش حناخد غير اللي ربنا كاتبه لينا
اهم حاجه نحسن النيه عشان ربنا يكرمنا و يدينا على اد نوايانا
المغرب قرب يأذن و الكل بيحهز نفسه و بيحضر الفطار
في إحدى الدول الاوروبيه
فرح بتحضر الفطور و نادر بيلاعب فريده و بيغنيلها و بيشيلها ياللا اكبري بقى عشان تساعدي مامي يا فيري
على فكرة انتوا معطلينني خد بنتك واطلعوا برة
نادر : بقى كده شايفه يافريده مامي بتعاملنا ازاي
فرح : نادر يا حبيبي ممكن تعمل طبق السلطه
نادر : أنا بقول أخد فريده ونخرج برة احسن
فرح : بقى كده طب ماشي ماشي
نادر :يالهوي لا وربنا مااقدر عالتكشيرة دي احلى طبق سلطه حيتعمل دلوقتي
فرح : حبيبي يا نادر ربنا يخليك ليا يا رب
نادر : و يخليكي لية يا روح قلب نادر
رانيا و مراة مروان بيجهزوا مع بعض و سعادة مروان و حسام بيهم كبيرة قاعدين بيلاعبوا البنوته الصغيرة جودي حبيبة قلب حسام و هما خلاص بيجهزوا الاذان عندهم حيئذن خلاص
اما بقى فمصر الحبيبه فكانت السفرة الكبيرة بدأت تجهز و الأطفال حواليها بيجروا و مر الوقت و الكل قعد كل حبيب جمب حبيبته و حواليهم ورودهم الجميله
أشهى انواع الماكولات و العصائر الرمضانيه الجميله و رائحته العطرة التي تملاء القلب أصوات التليفزيون المليئه بالآيات القرانيه التي تقرأ قبيل اذان المغرب
ضحكات نابعه من كل القلوب و انتطار لاجمل لحظات في الدنيا مع انتظار مكافئة صيامهم و انتظار مدفع الإفطار
مع قوله صلى الله عليه وسلم
اللهم لك صمت و على رزقك افطرت فاغفرلي ما قدمت و ما أخرت و ما اسررت و ما أعلنت ذهب الظمأ و ابتلت العروق و ثبت الأجر إن شاء الله
صدق رسول الله صلى الله عليه وسلم
..............................................