مولود جديد للكاتبة " حنين الماضي " يصدر عن كيان اللا رواية للنشر الإلكتروني وبدعمكم قد يتحول الحلم لحقيقة وتصبح ورقى
إسم العمل : يوميات اللارواية الرمضانية
المؤلفة: حنين الماضي
دار النشر : اللارواية للنشر الالكتروني
سنة النشر : 2023
التصنيف : اسكريبت
تصميم الغلاف : ميري عماد
مابين الماضي والحاضر
انا من عشاق البحر هدوء بتاخد نفس عميق مليان بمخدر لجروحك وبطلع زفير فيه كل همومك
واه من صوت الموج وهو بيعلي وبيعلي علشان يحضن الصخور
ايه الجمال ده سبحان اللي خلق الهدوء والراحة دي فيه يمكن لانه عبارة عن مياة علشان كدة بيحيي قلوبنا من جديد بيغسلها من الاحزان والهموم فعلاً صدق المولي عز وجل لما قال (( واجعلنا من الماء كل شئ حي ))
فتحت عيني علي أيد بتتحط علي كتفي بصيت لقيت ابتسامة صافية وصادقة
- ادخل يابني أحسن ماتبرد
أبتسمت وانا ببص لسما وشكل النجوم
= الجو ده مش بيتعب ياحج ده بيسكن الروح
طبطب علي ضهري وكلم القبطان وسأله
- قدامنا كتير يابني علشان نوصل ولا ايه؟
ضحكت وانا بقولة
= شكلك مستعجل ياحج علي البيت
ضحك وقالي
- ده غربة يابني بنتغرب علشان لقمة العيش ونرجع تاني بشوق أحنا مشتاقين ليهم ولوجودهم وهما مشتاقين للي هنجيبه وندخل بيه عليهم
لمحت دمعة في عينه بيدريها بضحكة وهو بيطبطب عليا بايده اللي بتترعش من الزمن
- اللي وحشني ام ضحكة حلوة اللي بتهون عليا الايام والسنين تعرف يابني دي الوحيدة اللي مكانتش عايزني أتغرب بس المصاريف والعيال كبروا وهمهم كبر
أبتسمت وانا بتخيل ست ف السبعين تستقبل جوزها بعد سنين غربة
= وحشتك ياحج ؟
بصلي بنظرة غريبه وطويلة مفهمتش كأنه عاجز يوصفلي مدة اشتياقة أو مش لاقي كلام بس قالي
- وحشتني دي كلمة قليلة يابني … تعرف اي أكتر حاجة كانت بتخوفني
سألته وانا متوقع الأجابة
= ايه ياحج
- اني أموت هناك من غير ما أشوفها وأمسك أيدها ان العمر يخلص بدون وداع... فاكر اول مرة شوفتها كانت ماشية كدة قدامي والقلب اتحرك ودق جريت علي امي وقولتلها لقيت العروسة اللي بستناها من زمان وروحنا خطبنها
= بسرعة كدة بدون ما تعرفها أو تكلمها
- يابني الناس عارفه بعضها تعارف ايه وكلام فارغ ايه مانا أخطبها وابقي أعرفها بعدها
ضحكت وانا مستغرب تفكير الجيل ده ورغم كدة كانت جوزتهم ناجحة
= وبعدين ياحج
- بعدين الفرح بقا واول مسكة ايد أول مرة تحس ان شخص ده بقا نصيبك ملكك ومن بعدها ايدها ماسبتش ايدي ولا لحظة في المر قبل الحلو عمرها ما أشتكت ولا عمري مديت أيدي عليها ولا قللت منها كانت سندي بجد
بصتله بستغرب وبضحك
= لحظة لحظة ياحج يعني اول مرة مسكت ايدها يوم الفرح وبعدين ايه حكاية نصيبك مانت من أول ما خطبتها بقت نصيبك
- لايابني أحنا مالناش ف الحرام وعلشان ربنا يباركلنا كمان ده بتوصل ليوم الفرح والدنيا تخرب ماينفعش اعشمها او اذيها بمسكة أو لمسة
أبتسمت وسرحت ف الدنيا اللي انا فيها وقولت بيني وبين نفسي
= اه ياحج لو تشوف بتوع الايام دي ده مش بس الايد اللي بتتمسك
- انت متجوز يابني ؟
= لا ياحج
- خلاص عروستك عندي
ضحكت وانا بسأله
= عالطول كدة
- امال خير البر عاجلة
شوية وطلع شاب لابس مقطع وسلاسل وخواتم ف ايدة وشعرة منكوش وبيكلم في الفون مع حبيبتة بالفاظ سوقية وتحت بند الهزار أعتقد قل من كرامتها كتير دخل الشاب والراجل بدا يردد
- لاحول ولا قوة الا بالله مش عارف دول يفتحوا بيوت ازاي وهما اطري من البنات كدة ناس خلفت ونسيت تربي
= ماتحكمش بالبس ياحج خليك ف المعدن
- مانا مش علي الهدوم يابني بس برضة العين تشوف والعقل يفكر وبعدين سيبك من البس شوفت طريقة كلامة
= ربنا يهدي ياحج
- يارب ... زمان كان الراجل يخلف علشان يلاقي ضهر لما يكبر يتسند عليه دلوقتي بيخلف علشان يشيل هم طول عمرة محتاج اللي يسنده ويصلح في اخطأئة
قطع الكلام ورجع بص في ساعة و قال للقبطان
- لسه كتير يابني دانا وحشني لمة السحور بتاعت زمان بالله ماعايزه يفوتني
وبصلي وقالي
- كل سنة وانت طيب يابني انهاردة أول سحور
ضحكت وانا بقولة
= الله يبارك ف عمرك ياحج
- تعرف يابني المة مابقتش زي الاول دلوقتي نتجمع وشوشنا ف وش جهاز مشغولين بيه بنشحت السؤال عن بعض ، فين أيام زمان كان الواحد يقعد يضحك وياكل ويسأل عن التاني ولا لمة الجيران مع بعضها ومنفرقش بين دين كلنا كنا واحد ويسلام بقا علي الفطار البسيط اللي مليان ضحك فكرك انت السفرة متبقاش مليانة زي دلوقتي بس بتشبع والله يابني بتشبع حب وترابط ياااه يازمان
كنا نخلص أكل ونقعد كدة نريح علشان ننزل المسجد نصلي والعيال حولينا بيسمعوا بكار وعالم سمسم مكناش نفطر غير وبكار ده شغال دلوقتي بقا الواد اللي ضارب شعره كل سنة ده اسمة ايه
ضحكت وانا بقولة
= اسمه رامز ياحج
- ايوة ده نبقي مشغلين الفطار علي صويت وعياط ومقالب بايخة وكلها بفلوس ضحك علي الناس وبس ونروح بعد كدة علي مسلسلات رمضان اللي مليانة كلام ومشاهد وخيانة أعوذ بالله
= يعني انت زمان مابتسمعش ياحج
- لا يابني بسمع بس كان المسلسل له قيمة. اش جاب لجاب يابني بين مسلسلات زمان ودلوقتي
= احكيلي ياحج ازاي كنت تستقبل رمضان
- كنا نعلق الزينة ف الشارع ومافيش بقا صواريخ والكلام ده زينه هادية كدة والرجالة تقعد والشباب اللي تعلق والراجل يقول يابني متعرفش مين جاله ابنه ولا ابن جارة ولا ابن مين يجري يقوله أمر ياحج ويسمع ويتفاهم دلوقتي حتي ابنك نفسه لو ندهته مايردش ويمشي اللي ف دماغة يحسسك انك كبرت خلاص ورأيك ملهوش لازمة
كنا نسهر ونحكي وحلاوة الفطار بقا الطبق الجميل اللي بيلف علي الجيران والضحكة الحلوة اللي تتقال لما نتخانق وحد ربك انت صايم مش النفخ والزعيق وجعير يقول متخنقش امي الواحد صايم
ضحكت وانا بطبطب عليه
= اه والله ياحج تحس انه مجبر علي الصيام مش مستمتع بكونة شهر ايام معدودة وهيخلص بسرعة ونتمني رجوعة وياعالم هنعيش تاني ولا لا ولو عشنه ياعالم هنتجمع بنفس الناس ولا لا
- صح يابني معاك حق رمضان لمة وجمعة وخير مخفي، عندك دلوقتي علشان الواحد يعمل خير يصور ويزل بعكس زمان كان الواحد يسلم علي الواحد ويحط ف ايده امانة ربنا حتي ف العيد تلاقي العيال الصغيرة بتسلم وتاخد العدية بخجل كدة وضحكة عيال دلوقتي الواحد يبص ف ايدة ويعوج بقة ويقولك دي ماتكفيش أحج
ضحكنا أحنا الاتنين واحنا بنفتكر كل واحد فينا بيفتكر رمضان اللي عاشة كل واحد فينا بيرجع بذكرياتة فرق كبير بين أجيال
كل جيل عن جيل بيخسر كتير بيخسر متعة التجمع والشبع من الاهل ، بيخسر حاجات كتير حلوة وهو عايش ف عالم التكنولوجيا حتي بيخسر نفسه وهو مش حاسس
هي فعلا ايام معدودة والشاطر اللي يكسبها
كل عام وانتم بخير
انا من عشاق البحر هدوء بتاخد نفس عميق مليان بمخدر لجروحك وبطلع زفير فيه كل همومك
واه من صوت الموج وهو بيعلي وبيعلي علشان يحضن الصخور
ايه الجمال ده سبحان اللي خلق الهدوء والراحة دي فيه يمكن لانه عبارة عن مياة علشان كدة بيحيي قلوبنا من جديد بيغسلها من الاحزان والهموم فعلاً صدق المولي عز وجل لما قال (( واجعلنا من الماء كل شئ حي ))
فتحت عيني علي أيد بتتحط علي كتفي بصيت لقيت ابتسامة صافية وصادقة
- ادخل يابني أحسن ماتبرد
أبتسمت وانا ببص لسما وشكل النجوم
= الجو ده مش بيتعب ياحج ده بيسكن الروح
طبطب علي ضهري وكلم القبطان وسأله
- قدامنا كتير يابني علشان نوصل ولا ايه؟
ضحكت وانا بقولة
= شكلك مستعجل ياحج علي البيت
ضحك وقالي
- ده غربة يابني بنتغرب علشان لقمة العيش ونرجع تاني بشوق أحنا مشتاقين ليهم ولوجودهم وهما مشتاقين للي هنجيبه وندخل بيه عليهم
لمحت دمعة في عينه بيدريها بضحكة وهو بيطبطب عليا بايده اللي بتترعش من الزمن
- اللي وحشني ام ضحكة حلوة اللي بتهون عليا الايام والسنين تعرف يابني دي الوحيدة اللي مكانتش عايزني أتغرب بس المصاريف والعيال كبروا وهمهم كبر
أبتسمت وانا بتخيل ست ف السبعين تستقبل جوزها بعد سنين غربة
= وحشتك ياحج ؟
بصلي بنظرة غريبه وطويلة مفهمتش كأنه عاجز يوصفلي مدة اشتياقة أو مش لاقي كلام بس قالي
- وحشتني دي كلمة قليلة يابني … تعرف اي أكتر حاجة كانت بتخوفني
سألته وانا متوقع الأجابة
= ايه ياحج
- اني أموت هناك من غير ما أشوفها وأمسك أيدها ان العمر يخلص بدون وداع... فاكر اول مرة شوفتها كانت ماشية كدة قدامي والقلب اتحرك ودق جريت علي امي وقولتلها لقيت العروسة اللي بستناها من زمان وروحنا خطبنها
= بسرعة كدة بدون ما تعرفها أو تكلمها
- يابني الناس عارفه بعضها تعارف ايه وكلام فارغ ايه مانا أخطبها وابقي أعرفها بعدها
ضحكت وانا مستغرب تفكير الجيل ده ورغم كدة كانت جوزتهم ناجحة
= وبعدين ياحج
- بعدين الفرح بقا واول مسكة ايد أول مرة تحس ان شخص ده بقا نصيبك ملكك ومن بعدها ايدها ماسبتش ايدي ولا لحظة في المر قبل الحلو عمرها ما أشتكت ولا عمري مديت أيدي عليها ولا قللت منها كانت سندي بجد
بصتله بستغرب وبضحك
= لحظة لحظة ياحج يعني اول مرة مسكت ايدها يوم الفرح وبعدين ايه حكاية نصيبك مانت من أول ما خطبتها بقت نصيبك
- لايابني أحنا مالناش ف الحرام وعلشان ربنا يباركلنا كمان ده بتوصل ليوم الفرح والدنيا تخرب ماينفعش اعشمها او اذيها بمسكة أو لمسة
أبتسمت وسرحت ف الدنيا اللي انا فيها وقولت بيني وبين نفسي
= اه ياحج لو تشوف بتوع الايام دي ده مش بس الايد اللي بتتمسك
- انت متجوز يابني ؟
= لا ياحج
- خلاص عروستك عندي
ضحكت وانا بسأله
= عالطول كدة
- امال خير البر عاجلة
شوية وطلع شاب لابس مقطع وسلاسل وخواتم ف ايدة وشعرة منكوش وبيكلم في الفون مع حبيبتة بالفاظ سوقية وتحت بند الهزار أعتقد قل من كرامتها كتير دخل الشاب والراجل بدا يردد
- لاحول ولا قوة الا بالله مش عارف دول يفتحوا بيوت ازاي وهما اطري من البنات كدة ناس خلفت ونسيت تربي
= ماتحكمش بالبس ياحج خليك ف المعدن
- مانا مش علي الهدوم يابني بس برضة العين تشوف والعقل يفكر وبعدين سيبك من البس شوفت طريقة كلامة
= ربنا يهدي ياحج
- يارب ... زمان كان الراجل يخلف علشان يلاقي ضهر لما يكبر يتسند عليه دلوقتي بيخلف علشان يشيل هم طول عمرة محتاج اللي يسنده ويصلح في اخطأئة
قطع الكلام ورجع بص في ساعة و قال للقبطان
- لسه كتير يابني دانا وحشني لمة السحور بتاعت زمان بالله ماعايزه يفوتني
وبصلي وقالي
- كل سنة وانت طيب يابني انهاردة أول سحور
ضحكت وانا بقولة
= الله يبارك ف عمرك ياحج
- تعرف يابني المة مابقتش زي الاول دلوقتي نتجمع وشوشنا ف وش جهاز مشغولين بيه بنشحت السؤال عن بعض ، فين أيام زمان كان الواحد يقعد يضحك وياكل ويسأل عن التاني ولا لمة الجيران مع بعضها ومنفرقش بين دين كلنا كنا واحد ويسلام بقا علي الفطار البسيط اللي مليان ضحك فكرك انت السفرة متبقاش مليانة زي دلوقتي بس بتشبع والله يابني بتشبع حب وترابط ياااه يازمان
كنا نخلص أكل ونقعد كدة نريح علشان ننزل المسجد نصلي والعيال حولينا بيسمعوا بكار وعالم سمسم مكناش نفطر غير وبكار ده شغال دلوقتي بقا الواد اللي ضارب شعره كل سنة ده اسمة ايه
ضحكت وانا بقولة
= اسمه رامز ياحج
- ايوة ده نبقي مشغلين الفطار علي صويت وعياط ومقالب بايخة وكلها بفلوس ضحك علي الناس وبس ونروح بعد كدة علي مسلسلات رمضان اللي مليانة كلام ومشاهد وخيانة أعوذ بالله
= يعني انت زمان مابتسمعش ياحج
- لا يابني بسمع بس كان المسلسل له قيمة. اش جاب لجاب يابني بين مسلسلات زمان ودلوقتي
= احكيلي ياحج ازاي كنت تستقبل رمضان
- كنا نعلق الزينة ف الشارع ومافيش بقا صواريخ والكلام ده زينه هادية كدة والرجالة تقعد والشباب اللي تعلق والراجل يقول يابني متعرفش مين جاله ابنه ولا ابن جارة ولا ابن مين يجري يقوله أمر ياحج ويسمع ويتفاهم دلوقتي حتي ابنك نفسه لو ندهته مايردش ويمشي اللي ف دماغة يحسسك انك كبرت خلاص ورأيك ملهوش لازمة
كنا نسهر ونحكي وحلاوة الفطار بقا الطبق الجميل اللي بيلف علي الجيران والضحكة الحلوة اللي تتقال لما نتخانق وحد ربك انت صايم مش النفخ والزعيق وجعير يقول متخنقش امي الواحد صايم
ضحكت وانا بطبطب عليه
= اه والله ياحج تحس انه مجبر علي الصيام مش مستمتع بكونة شهر ايام معدودة وهيخلص بسرعة ونتمني رجوعة وياعالم هنعيش تاني ولا لا ولو عشنه ياعالم هنتجمع بنفس الناس ولا لا
- صح يابني معاك حق رمضان لمة وجمعة وخير مخفي، عندك دلوقتي علشان الواحد يعمل خير يصور ويزل بعكس زمان كان الواحد يسلم علي الواحد ويحط ف ايده امانة ربنا حتي ف العيد تلاقي العيال الصغيرة بتسلم وتاخد العدية بخجل كدة وضحكة عيال دلوقتي الواحد يبص ف ايدة ويعوج بقة ويقولك دي ماتكفيش أحج
ضحكنا أحنا الاتنين واحنا بنفتكر كل واحد فينا بيفتكر رمضان اللي عاشة كل واحد فينا بيرجع بذكرياتة فرق كبير بين أجيال
كل جيل عن جيل بيخسر كتير بيخسر متعة التجمع والشبع من الاهل ، بيخسر حاجات كتير حلوة وهو عايش ف عالم التكنولوجيا حتي بيخسر نفسه وهو مش حاسس
هي فعلا ايام معدودة والشاطر اللي يكسبها
كل عام وانتم بخير