مولود جديد للكاتبة " مريم سيد " ام البنات "" يصدر عن كيان اللا رواية للنشر الإلكتروني وبدعمكم قد يتحول الحلم لحقيقة وتصبح ورقى
إسم العمل : يوميات اللارواية الرمضانية
المؤلفة: مريم سيد " ام البنات "
دار النشر : اللارواية للنشر الالكتروني
سنة النشر : 2023
التصنيف : اسكريبت
تصميم الغلاف : ميري عماد
فى بيت من بيوتنا المصريه من احدى المناطق الشعبيه
قبل شهر رمضان بكام يوم فى بيت الست مريم ام البنات
يابنات اعملوا حسابكم هنروق اىشقه وهنغسل السجاد
بنت من البنات ترويق اييه ياماما ماهى الشقه اهييه زى الفل
مامتها فل ايييه ياروح ماما انا بس بقول اعملوا حسابكم هنقوم من بدري
واحده تانيه من البنات ممكن سؤال ياماما
مامتها. سؤال ايييه ياهانم
البنت هو احنا بنروق ليه
مامتها فرهده ليكى شوق فى. حاجه بقولك يازفته انتى وهى اول مااقول تقوموا تقومى انت وهى
البنت الصغيره.. انا بتاعة النزول يعني مش هعمل حاجه
مامتها.. اخرسى انتى. التانيه وبكره هقومكم
مريم يابنات يالا عايزين نروق الشقه ترويقة رمضان
ايه واسراء ياماما احنا عندنا الامتحان المديتيرم 
مريم طب وايه يعنى قال بتذاكروا اوووووى ماانتوا طول النهار ماسكين الموبايلات و التابلت وفاتحين الفيس او بتقروا روايات
ايه واسراء
بعياط مصطنع يوووووه ياماما وانتى عالطول كده ماانتى زينا
طول النهار يبقراى لطنط سلمى وطنط ميرااوطنط شيمو اوطنط اروى و طنط ريحانه و ناس كتيييير من كترهم مش عايزين ننسى حد اوبتسمعى عمو صبرى فى انرجى اوبتسمعى عمرو اديب اوبتسمعى شعبى اف ام اوبتكلمى خالتوا سمر اوخالتو نهى وخالتو بطه وصعبان عليكى ان نقعد نفتح فيس او نقرا روايات
مريم اه ياجذم كل ده قلبكم من ناحيتى
بتقارنونى بيكم ياجذم
ايه واسراء
خلاص بقى ياماما هو كله ضرب ياماما ده مش اسلوب 
مريم هو ده اسلوبى ولو كان عاجبكم كل ده علشان قلت هنروق الشقه ياشوية جذم
ايه واسراء خلاص بقى شوفى هتعملى ايه 
مريم هنبدا بالدولاب والتلاجه وشيل الستاير والمطبخ وبعد كده نغسل الحيطان ونغسل السجاد
ايه واسراء ياهار اسود علينا وعلى سينيناكل ده دااحنا هنتنفخ
مريم لا لسه وهنشيل تحت السراير ونشيل الملايات ونمسح تحتهم
ايه واسراء احييييه ياابو سوسو احييييه ضمنا هدت الحيل والحمدللهبعياط بجد وربنا حرام
مريم اخلصوا بقى تقى قومى هاتى حاجات من عند بتا ع الصابونشوفى كيس الفلوس
تقى يوووه ياماما انا مش قادره
مريم وهى ماسكه الشبشب تعالى ياجذمه انتى ماهو ناقص دورك
تقى خلاص ياماما بقى هرووووحوراحت تقى راحت تجيب الحاجات وانا وايه واسراء بدانا فى عمايل الشقه وخلصناها واستعدينا لرمضان
يومياتى مع بناتى
ده بقى ليلة السحور
مريم: قومى يالا ياايه جهزى السحور
ايه :حاضر ياماما
مريم: اسراء قومى كده رتبى الاوضه وافرشى علشان اختك خلصت السحور
اسراء: حاضر ياماما
مريم: وانتى ياتقى صحى بابا قوليله السحور جهز
تقى :حاضر
وقاعدنا كلنا اتسحرنا وخلصنا السحور 
مريم: يابنات عايزين تاكلوا ايه اول يوم انا بقول محشى وفراخ مشويه
ايه واسراء وتقى لا ياماما احنا متعودين كل سنه على المكرونه بالباشميل وبطاطس محشيه لحمه مفرومه وجولاش باللحمه المفرومهاوعى تنسى الكنافه والقطايف بالكريمه والجولاش الصوابع
مريم
عرفه ده زوجى ابوهم يعنى :دخل فى الحوار ايه ده كله اه ماانتوا بتبقوا نايمين طوووول النهار لحد المغرب وهى اللى هيطلع عينها
ايه واسراء وتقى يابابا ماهى دى طقوسنا بتاعت كل سنه وربنا مايقطع لنا عاده ياحاج
مريم خلاص ياعرفه سيبك منهم متنرفز نفسك 
عرفه خلاص انتى حره بس اهم حاجه متشكيش وتقولى تعبتى
مريم حاضر
ايه واسراء وتقى ماما احنا عايزين المكرونه سخنه تبقى لسه طالعه من الفرنبتبقى تحفه ولذيذه اوووووى
عرفه انتوا كمان بتنكوا اشربى بقى بس يارب مااسمع شكوى منك
مريم حاضر
خلصنا وصلينا الفجر ونمت وسيبتهم سهرانين علشان اقوم لاول يوم
أول يوم مريم طول النهار بتعمل من مكرونه باشميل ل جلاش مسكر وحادق لبطاطس محشيه لحمه مفرومه ......الخ من الاخر طلع عنيها 
أيه واسراء وتقى صحيوا على قبل المغرب ب5دقايق
عرفه :إيه يااختى انتى وهى مش عايزين تصحوا
أيه :ياحاج والله الواحد مش قادر 
عرفه: ليه كنتى بتخترعى الذره
اسراء: لأ كنا بنقرا روايات 
عرفه: لا بتتعبوا 
أيه: شور
عرفه اتنرفز ولسه بيدور على حاجه يحدفهم بيها
المغرب اذن
مريم :يلا بسرعه هاتوا البلح
تقى: هاتوا رامز بسرعه
عرفه: يلا نصلى المغرب قوموا اتوضوا وصلوا وقاعدوا ياكلوا ويتفرجوا على رامز امام التلفاز
على المأئده بعد انتهاء الافطار
اسراء: تعرفوا إيه اللى قاهرنى 
أيه :إيه 
اسراء: ان انتى اللى هتغسلى المواعين انهارده
وانا بكره
مريم بعدم فهم :وإيه المشكله 
إسراء بعياط مصطنع: المشكله ان لكره الحلل هتفضى وانا اللى هغسلهم
مريم القت عليها زجاجه المياه وهى تقول: قومى يابت من هنا بدل ماافتح دماغك يابارده يا طويله وهبله
اسراء :الله بقى هو علشان انتو غيرانين منى تقلولى ياهبله
ايه بدفاع: ايوه يعنى علشان طويله حبتين نقولها ياهبله
اسراءفى سرها : تؤامى اجدعان
مريم: بس ياازوعه ياللى مش باينه من الارض 
ايه بغضب :يووه بقى ولا طول عجبك ولاقصر ده إيه الغب ده ياربى
مريم وقد القت عليها المعلقه الموضوعه امامها ولكنها لم تصبها :قومى ابت اغسلى المواعين
أيه :مجتش فيا 
بعد الافطار وغسل المواعين والترويق اسراء ماما معملتيش قطايف
مريم: ااه عملت فى التلاجه 
اسراء: الله عليكى ياست الكل 
وذهبت تجاه الثلاجه
ايه :طب ياماما معملتيش كنافه
مريم: ااه عملت جوه غى المطبخ
ايه :حببتى ياماما
وذهبت
تقى بغضب: وانا ياماما 
مريم: عملتلك الجلاش مسكر
تقى: بجد الله عليكى ياست الكل هو ده الكلام
مريم :بضحك يا جزم عرفتوا ان فى حلويات جريتوا عليها عيال طفسه 
وده كل حال البيوت المصريه بس طبعا هكتب عن عمايل الكحك والبسكوت والبيتى فور وتنظيف الشقه استعادا للعيد
نبدأ بقى
االبارت السادس من يومياتى مع بناتى
مريم يابنات استعدوا بقى هنعمل الكحك والبسكوت والبيتى فور
ايه واسراء وتقى الله ياماما هنعمله ونغنى واحنا بنعمله هيهيه وتانى يوم جهزت الدقيق والسمن والبيض واللبن وبدأنا نعمل والبنات طبعا بيساعدونى وقعدوا يغنوا
اغنية كحك العيد
اسراء 
ياكحك العيد ياحنا
ايه يابسكويت احنا 
تقى ياشرباتات ياحنا وكملوا مع بعض
في الكوبايات ياحنا
يافناجين ياحنا
يامرصوصين ياحنا
يامهلبيه ياحنا
عند البياع ياحنا
ياعود ملوخية ياحنا
علي العربيه ياحنا
يابلح بريمو ياحنا
يتباع بالكيلو ياحنا
ياشرباتات ياحنا
وخلصنا البسكوت والكحك والبيتى فور شطار يابنات 
هتقعدوا بقى هتزوقووا البيتى فور ورصوه وحطوه فى التلاجه 
علشان بكره نستعد لترويق الشقه
ايه واسراء وتقى نعم ياماما شقة ايه اللى نروقها مش احنا لسه عملانها فى قبل رمضان
مريم اه وايه يعنى هنعملها تانى ايه المشكله 
ايه واسراء اه ياماما ماانتى مش بتعملى حاجه
مريم قولوا وربنا اومال مين ان شاء الله اللى بيعمل ياجذمه انتى وهى 
ايه واسراء بأعتراض ماما انتى بتبقى قاعده واحنا بتعمل
مريم خلاص اخرصى ياكلبه انتى وهى مش هعمل حاجه وانتوا اللى هتعمله
ايه واسراء فى نفسهم ربنا على المفترى والظالم
مريم بتبرطموا بتقولوا ايه
ايه واسراء من حق كل مواطن البرطمه
مريم طب يلا ياجذمه منك ليها وبتجرى وراهم وفى ايديها شبشب
ونزلت عليهم ضرب وفين يوجعك
ايه واسراء ايه ياحاجه ارحمى امنا بقى ايه معملة مرات الاب دىدانتى لو لاقينا مش هتعملى كده
مريم ايه ده وانا ماقولتلكمش اه انا لقياكماسراء قدام المعبد اليهودى بمصر القديمه وايه قدام الكنيسه الكتدرائيه المرقصيه بالعباسيه وتقى قدام مسجد النور بالعباسيه
ايه واسراء الله عليكى ياماما بقيتى زى مصر مجمعه الاديان
مريمفى وشهم
تقى بتكلم ومتداخله فى الكلام وانا مالى ياست الكل انا قاعد مش بكلم
مريم اخرسى يازفته الحسنه بتخص والسيئه بتعم
ايه واسراء يادى المقوله الخنيقه دى مش بنحبها
مريم اخرسوا يازفته انتى وهى وبكره هنعمل الشقه وعالفكره هى هتبقى مش زى ترويقة رمضان
ايه واسراء متأكده ياماما ولاهتنفخينا
مريم ثقوا فيا
ايه واسراء ضمنا هدت حلينا والحمدلله
وتانى يوم بدأنا بترويقة الشقه وخلصنها وطبعا ايه واسراء هتهدوا واتنغخوا واستعدينا للعيد
طبعا روقنا ترويقة العيد والبنات كانوا عايزين يبلغوا عليا مجلس الامن
في اول أيام العيد بعد صلاة العيد
أية اول ما دخلت من الباب
أية:بالصلاة على النبي كدة انا واسراء هناخد كل واحد فينا 100 جنيه وتقى50 أية وهي بتبص لتقى مرضي يا أبا
تقى:مرضي يا صاحبي
إسراء:مع ان 100قليل بس أشطا مفيش مشاكل يعني
مريم وعرفة باصيين ليهم
مريم:مييت عفريت ينطاطكواا يا بعدة هي كل واحدة 50 وبس كدة
عرفة متدخلا:لأ يا مريم قليل 50 حلو 100 اي خدمة يا بنات
إسراء بكل حماس:بابا ده عم الناس راجل غيره مينفعناش
وطبعا عمالين ييوسوا فيه ويحضنوا
مريم:أيوة دلع فيهم كدة يا أخويا
أية:بس يا مرات أبويا متدخليش
مريم:انا مرات أبوكي يا جزمة طب ماشي وعمالة تدور على حاجةتضربها بيها لاقت ازازة راحت حدفها جت في نص الجبهة
أية
:مش مسمحاكي وبتقع بمسرحية انا مظومة مظومة(مظلومة مظلومة)
مريم مسكت الشوكة وجات على إيديها
أية بضيق:يا شيخة بقى بطلي أفترى على الخلق الله يا جدعوأية وقد تذكرت أه صح مش هنشرب لبن وناكل كحك وبسكويت
إسراء:يا نعناعة
لما نصحى من النوم
أية:اه وتضحكوا علية في الاخر
وناكل سمك المرء لا يلدغ من جحر مرتين يا حجا
تقى:لأ بجد هنام ونصحى ناكل متقلقيش
أية بستسلام:خلاص ماشي
وذهبوا في سبات عميق
طبعا مريم صحيت وبتجهز فى الغدا سمك وسلطه ورز صياديه والباقى بدأ يصحى
ايه ده اللى انا قلت عليه عايزه كحك وبسكويت وبيتى فور ماما حد يصحى من نوم ياكل سمكوبتعيط عياط مصطنع
مريمولاسألت فيها
ايه ماما ماليش فيه اناعايزه شاى باللبن واسراء واناكمان وتقى وانا وعرفه معاهم
عايزين شاى باللبن ادخلوا اعملوا ماليش فيه انا خلاص خلصت الغدا وشطبت المطبخ مفيش بس غير الارز وقت لمى تبقى تتغدوا هبقى اقوم ازوده الشوربه
مريماقعد بقى الفيس شويه يلا شاووو يابنانيتى
ايه واسراء وتقى ايه معاملة مرات الاب دىهو فى كده
مريم اه فى انا كده
ايه خلاص ياماما يااحلى مريومه افتحى الفيس وانا هعمل شاى باللبن اشطا ياست الكل وبتبوس مامتها
اسراء وتقى واحنا هنجهز الكحك والبسكوت والبيتى فور
مريم وانا هشرب
وطبعا اليوم كان جميل وعدى عالخير
رمضان خلص والعيد. كمان خالص وده يوم جديد من يومياتى مع بناتى ومرات ابوهم مريم ام البنات
مريم صحيت من النومدخلت الحمام واتوضت وصلت الظهر
وبعد ماخلصت بتنادى على البنات
ياايه يااسراء وتقى يلا قوموا
ايه ياماما احنا نيمين الساعه 7الصبح
مريم وانا مالى الساعه بقت 2الظهر يلا عايزه افطر
ايه طب سيبينا ننام شويه وشفتى تقى واسراء محدش فيهم اتحرك من مكانه
مريم قومى انتى صلى الظهر وانا هتصرق معاهم
ايه طب اللحق انا علشان انا عارفة ايه اللى يحصل
مريم بالظبط كده مريم راحت على التلاجه وجابت ازازه فيها ميه فيها تلج وخلت الاوضه على اسراء وتقى وراحت دلقت على دماغهم الميه اللى بتلج
اسراء وتقى ايييييه فى ايييييه ياماما وربنا حرام بذمتك فى ام تعمل كده
مريم اه مش انا بعمل كده يبقى فيه
اسراء ياماما وربنا حرام عليكى اللى بتعمليه فينا ده
تقىياماما انا مش بحب الميه
مريم انا من الصبح بصحيكوا وانتوا مش راضيييين تقوموا اشربوا بقى
اسراء بتبصى لمامتها
مريم ماتقومى تدينى قلمين على وشى
اسراء ماما روحى شوفى حد كلميه عايزه انام ياناس
تقى نامت مكانها تانى
مريم قربت عليها ومعاها ازازة التلج وبتنادى عليها هتقومى ولا اغرق تانى
تقى خلاص بقى قومت اهووووو
اسراء قومى يابنتى وفى سرها ربنا المفتري دى بتعلمنا ولامعاملة مرات الاب
مريم بترطمى بتقولى ايه
تقى وايه متسيبها ياماما تبرطم براحتها هو لاكلام بصوت العالى ولاالواطى عاجبك وربنا كده حرام
اسراء اخواتى ياجدوعان
ايه وتقى اى خدمه يازميل
مريم احييييه وانا قاعده مع شوراعيه ولااايه
ايه واسراء وتقى ياماما فكى كده وخليكى فريش
مريم فريش ياجذمه انتى وهى وجريت وفى ايديها الجذمه يالا ياجذمه كل واحده هتشوف هتعمل ايه
ايه واسراء وتقى طب نفطرالاول ةبعد كده هنشوف نغمل ايه
مريم خلاص يالا حضروا الفطار
بغد الفطار اسراء لمى الغسيل وانشرى اللى فى الغساله
ايه وانتى روقى الشقه واكنسبها
تقى وانتى تنزلى تجيبى حاجات من السوق
البنات هو حد مسلطك. علينا اييه ياماما حرام والله
مريم بت انتي اخلصوا وبطلوا رغى ومش عايزه برطمه
ايه من حق كل مواطن البرطمه
مريم ابورده رشق فى وشها وهى بتقول مريم تاديب وتهذيب واصلاح
استوب دى علاقتى بناتى مجننى وربنا المشهد الاخير ده حلم