مولود جديد للكاتبة " سماح ناجي" يصدر عن كيان اللا رواية للنشر الإلكتروني وبدعمكم قد يتحول الحلم لحقيقة وتصبح ورقى
إسم العمل : يوميات اللارواية الرمضانية
المؤلفة: سماح ناجي
دار النشر : اللارواية للنشر الالكتروني
سنة النشر : 2023
التصنيف : اسكريبت
تصميم الغلاف : ميري عماد
الاب: بس بقى بطلو كلام وعلو التليفزيون شويه بيان المفتى هيتذاع .
محمود :يارب يقول بكره العيد.
الام: ليه على أساس صايمين اوى إنت وهى.
فاتن: الاه ياماما بقى عايزين نلبس لبس العيد ونتفسح ونتمرجح.
الاب: طيب ممكن تسكتو شويه بقى
على ياهدى
هدى: خلاص هيتكلم أهو
أعلنت دار الإفتاء أن اليوم هو المتمم لشهر رمضان المبارك وان غدا الثلاثاء هو اول ايام شهر شوال واول ايام عيد الفطر المبارك وكل عام وانتم بخير
وصوت الست ملى المكان باغنيتها الجميله🫶🫶
يا ليلة العيد انستينا
يا ليلة العيد آنستينا ... وجددتي الأمل فينا
هلاك هل لعنينا ... فرحنا له وغينينا
وقلنا السعد حيجينا ... على قدومك يا ليلة العيد
جمعت الأنس ع الخلان ... ودار الكاس على الندمان
🎈🎈🎈🎈🎊🎊🎊🎊
هاه هاه هاه هاه
بس خلاص إقعدو بقى كل سنه وانتم طيبين ياولاد
قامو بسرعه حضنو ابوهم وباسوه وانت طيب وبخير يابابا إنت وماما وحضنو مامتهم وباسوها .
الام :ياه الشهر عدى بسرعه أوى ولا حسينا بيه ياريت السنه كلها رمضان .
الاب: صدق الله العظيم لما قال أياما معدودات ربنا يعيد علينا الايام بخير ياولاد وبص لمراته نظره كلها حب وقالها كل سنه وانتي طيبه وبخير ياحبيبتى.
إحم إحم نحن هنا ياسى بابا 😂😂
الاب: الاه وفيها إيه ماهى حبيبتى ومراتى وام عيالى .
رد محمود عيالك اللى هما إحنا يعنى 😂😂
الاب أيوه وهو أنا عندى عيال غيركم ياولاد ال ...
ضحكو كلهم على ابوهم يعنى كده إنت بتشتم نفسك 😂😂
بص لمراته وقالها شوفى عيالك علشان لما اقوملهم دلوقتى ماتقوليش عيال 😂😂
ضحكت الام وقالتله ربنا يخليك ليهم وتفضل تدلعهم وتفرحهم دايما كده
امنو على دعائها 🤲🤲
فاتن: لاااا ماتحاولوش يلا ياسى بابا تقل جيبك علشان العيديه دا إحنا مستنينها من اول رمضان
الاب هو إنتو مابتنسوش أبدااا كده
ضحكو على جمله ابوهم وقالوله وهى دى حاجه تتنسى برضه يلا معاك مهله لبكره الصبح وهناخدها 😂😂
محمود لهدى بصوت واطي أنا هأشترى المسدس اللى قولتلك عليه وانا هاشترى العروسه بفساتينها اللى شفناهم مع بعض
بصلهم ابوهم إنتو بتتودودو فى إيه
الام أكيد بيخططو هيفرتكو العيديه فى إيه
عضو على شفايفهم ببراءه إيه دا يعنى إنتو سمعتونا
فاتن: أكيد يعنى من غير مانسمعكم هو إنتو الإتنين بتتفقو غير فى البلاوى 😂😂😂😂
الاب طيب يلا بينا بقى ياحوده علشان نلحق نصلى العشاء فى المسجد كده خلاص مافيش تراويح النهارده
محمود :يلا يابابا وبص لمامته ماما اول مأجى هاخد دش علشان انام بدرى والحق أقوم بدرى علشان اكبر معاهم تكبيرات العيد
الام ماشى ياحبيبى روح واول ماتيجى هتلاقى كل حاجه جاهزه
ويلا يابنات ساعدوني علشان نغسل المواعين ونفرش الشقه علشان تاخدو دش إنتو كمان وتنامو بدرى .
يلا ياماما
جهز محمود وأبوه وطالعين من الباب هاه فى حاجه ناقصه لسه اجيبهالكم وانا جاى
الام لا ياحبيبى كل حاجه هنا مش محتاجين حاجه يلا مع السلامه إنتو علشان هيقيمو الصلاه ومتتأخروش
طيب يلا السلام عليكم
ردو وعليكم السلام ورحمه الله وبركاته
هاه ياماما هنعمل ايه
الام هدى هاتى مفرش الترابيزه الجديد علشان نفرشها ويلا يافاتن نفرش السجاده ونلبس الانتريه الكسوه بتاعته.
يلا ياماما
وبعد فتره وقفت الام كده خلاص تمام أوى وادى الفازه بالورد والمفارش الجديدة يلا بينا نكمل الشقه
هدى :طيب والمعطر ياماما
الام لا خليه لبكره بقى علشان يخلى الشقه ريحتها حلوه
أنا هأقلى السودانى بقى وانتو شوفو هتعملو إيه فى اوضتكم
جريو على اوضتهم وفتحو الدولاب ووقفو يبصو على فساتينهم والتوك بتاعتهم وهما متحمسين
خرجوا من المسجد وسلمو على كل جيرانهم وهنوهم بقدوم العيد وعايدو بعض ومحمود بيخطط مع أصحابه هيعملو إيه بعد صلاه العيد
رجعو البيت وقعدو مع بعض يتكلمو ويهزرو وبعد فتره خلاص كله اخد الشاور ودخلو سرايرهم وهما بيحلمو بالتكبيرات والهدوم الجديده والعيديه
وحان وقت صلاه الفجر قامو إتوضى الاب ونزل صلى وطلع لاقاهم بيجهزو لصلاه العيد وبص على الترابيزه لقى عليها الكحك والبسكويت والبيتى فور والغريبه والسودانى والشيكولاتات والبنبونى
إبتسم وقال لمراته لحقتى عملتى كل دا إمتى
الام: ابدا كل حاجه كانت جاهزه من الليل ويادوب حطيتها ورصيتها قرب منها وباس دماغها وقالها كل سنه وانتي طيبه وبخير ودايما محسسانا بالعيد كده ومفرحانا ويادوب هترد لاقو اللى داخل عليهم ايوه ايوه فين بقى العيديه ياسى بابا 😀😀
لا إنتو لو حد مسلطكم عليا مش هتكبسو علينا كده 😂😂طيب إيه مش نصلى العيد ونيجى نفطر مع بعض وبعدين تاخدو العيديه ولا إيه
لا فطار إيه مش عايزين إحنا جاهزين أهو للصلاه يلا بينا
محمود :أيوه يابابا يلا بسرعه علشان عايز اكبر فى الميكروفون 😂😂ضحكو كلهم على لماضته .
الاب: يلا بينا وبص لمراته وقالها بكل حب
كل سنه وانتي فرحة بيتي واولادنا بهجته.. كل عيد وانتو عيدي وفرحة قلبي.. وطلع من جيبه فلوس جديده واداها للعيال اللي اخدوها منه بفرحة وجريو بيها علي الشارع وقرب من ام العيال ومدلها الباقي فأيده من الفلوس وهي اخدتهم بفرحه تشبه فرحة اولادها بالعيديه وهو ضحك علي طفوليتها وقرب عليها حضنها وقالها.. كل سنه وانتي عيدي..
ونزلو يأدو صلاه العيد .
كل سنه وانتم طيبين وبخير وينعاد عليكم الايام بخير
(إسكريبت ياليله العيد انيستينا )
🎈🎈🎈🎊🎊🎊