مولود جديد للكاتبة " يارا محمد" يصدر عن كيان اللا رواية للنشر الإلكتروني وبدعمكم قد يتحول الحلم لحقيقة وتصبح ورقى
إسم العمل : يوميات اللارواية الرمضانية
المؤلفة: يارا محمد
دار النشر : اللارواية للنشر الالكتروني
سنة النشر : 2023
التصنيف : اسكريبت
تصميم الغلاف : ميري عماد
حلقة خاصة من حماتي قُنبله ذريه (ليالي رمضانية)
_يابت ياااسمااح ياز'فته
(قالتها سميحة بصريخ وهي تنادي زوجت ابنها)
=هو انتي بتشتميني ولا انا بيتهيقلي
(قالتها سماح وهي تنظر للسكين ولحماتها سميحة)
سميحة وهي تبربش بخوف من السكين
قالت بخوف :. لالا ده انتي بيتهيقلك ده انا بشتم البت شهد
سماح:. اه افتكر ثم اكملت بمرح ها كنتي عاوزه ايه
سميحة بخوف :لا ياحبيبتي كنت عاوزاكي بس تقعدي جنبي
سماح :لا
سميحة :براحتك ياحبيبتي ثم اكملت بهمس قعدة تاخدك يابعيدة
سماح وهي تذهب للمطبخ : سمعاكي بس علشان مش فاضيالك كنت جيتلك دلوقت
سميحة :يارب يامتفضي خالص
سميحة بصريخ:. ياااانرمين ياااااهبة يااااشهد
البنات :. نعم ياحماتي
سميحة :. روحي ياشهد للعيال ال بره بيعلقوا الزينة قوللهم حماتي بتقولكم علقوا فانوس قدام البيت واللمبة البتنور الوان انا عطيالهم ١٠ جنيه بحالها
شهد نظرت اليها بصدمة ونظرت لسلايفها
وسلايفها نظروا إليها وهم يضحكون
سميحة : ايه هتفضلي واقفة كتير ماتروحي يابت زما قولتلك
شهد ذهبت وهي تهمس ببعض الكلمات وتقول :.
ربنا يتولانا من الولية دي بقا
سميحة :. سمعاكي يامعدولا ثم نظرت الي هبة وقالت
_روحي ياهبه للولية ام فاروق قوللها تجهز بكره الساعة ١٠ علشان نروح نجيب طلبات رمضان والموسم بتاع البت سجود
هبة :حاضر ياحماتي
ثم نظرت سميحة الي نرمين وقالتلها
_روحي افتحي التلفزيون وهاتي قناة الراديو علشان الاستطلاع الهلال النهاردة وهيقولوا رمضان بكره ولا بعده
نرمين :طيب
سميحة : كتكم الهم محدش بيسمع الكلام خالص
نرمين برفعة حاجب : نعم!!!
سميحة : هاا لا ياحبيبتي ده انا بقول كتكم الهم علشان يعني بتسمعوا كلامي علي طول وانا ميتسمعش كلامي بالله عليكي يانرمين متقوليش حاجه لسميحة ده لسه احمد ابني شايلني من تحت ايدها امبارح
نرمين بضحك :بصراحة انت تستاهلي مبتحرميش ابدا
سميحة وهي ترفع الشبشب من علي الارض :.
بقا انا استاهل وحياة امك لااضربك
نرمين وهي تركض كانت بتصرخ بااسم سماح
وسماح ذهبت بأتجاه صوت نرمين بفزع
سماح :. في ايه
سميحة ركضت الي الجدران ونزلت بالشبشب عليها وتمثل انها تقتل صورصار
سميحة : موت يابن الجز"مة موت
نرمين :لا والله
سميحة : في ايه ياسماح ياحبيبتي ده صورصار نرمين كانت خايفة منه وانا قت'لته
سماح :مش ناقصة فقعة مرارة تعالي يانرمين ورايا خلينا نخلص العشا
نرمين :حاضر ياسموحة
بعد ان دلفت سماح الي المطبخ سميحة نظرت لنرمين وقالت :. جدعة يابت يانرمين انك مقولتيش لسماح عارفة علشان جدعنتك دي مش هتخانق معاكي تاني النهاردة
نرمين بسخرية :. كتر خيرك والله ياحماتي مش عارفة اودي جمايلك دي فين
سميحة بمرح:وديها اسكندرية اصلها نفسها تصيف نيهاهاهاها
نرمين نظرت إليها بغضب ودلفت الي المطبخ
سميحة وهي تنظر الي اثر ذهبها قالت :. نسوان عايزة الحرق اما اروح اشوف العيال ركبوا الفانوس ولالا
وبالفعل ارتدت الطرحة ثم ذهبت الي الخارج وجدت شهد تتحايل على العيال وتقول
_ياجماعة معلش ركبوا ليها الفانوس لو خرجت وملقتش الفانوس هتتنفخوا
=احنا ملناش دعوة ياشهد دي عطيانا ١٠ جنيه بالعافية وكمان غصبتنا نعلق ١٠ فروع زينة قدام بيتكم مع ان كل بيت لازم يبقي قداموا خمسة بس
بصى اصلا الزينة عامله ازاي من كتر ما هي مزنقة في بعض ده مفيش حتي مكان للفانوس
شهد كانت هتتحدث ولكن قاطعها صوت حماتها سميحة
_سمعني كده يااخويا بتقول ايه
=بنقول مفيش مكان هنعلق فيه ومش هنعلق اصلا عاوزانا نعلق ليكي فانوس طلعي ٢٠ جنيه وهاتيها
سميحة :طب ايه رايك بقا انك هتعلق الفانوس وكمان لمبة من البتنور الوان ولو نطقت كلمة زيادة يبقي استحمل بقا ال هيحصل.
=اعلي ما في خيالك اركبيه مش بنخاف
سميحة :بقا كده طيب
ثم توجهت الي الداخل وأخذت المقشا وخرجت اليهم وبدأت تقطع في الزينة التي أمام منزلهم حتي تصل الي الفانوس وبالفعل الفانوس وقع بين يديها واخذته ووضعت السلم وصعدت عليه وبدأت تعلقه أمام منزلها
والعيال كانت بتنظر إليها بصدمة
وشهد وهبه وضعوا يديهم علي رأسهم من أفعال حماتهم
وبعد ان علقت الفانوس سميحة هبطت وقالت :. اشوفكم بقا بتاخدوا الفانوس ساعتها ابقوا قولوا علي نفسكم يارحمان يارحيم اللهم بلغت اللهم ف اشهد
_يلا يابت ياهبه انتي وشهد ورايا
وبالفعل دلفوا
والعيال من صدمتهم القوا السلم والمسامير والزينة وذهبوا الي منزلهم وقالوا انهم لم يعلقوا الزينة مره اخرى
وفي منزل سميحة
كانت تجلس علي المقعد ومنتظرا أبنائها والأكل
سميحة :ياجدعان عاوزه اكل انا جعانه وهفتانه مكالتش حاجه من نص ساعة هتجنن واااكل هتولي الأكل هو انا علشان مش ليا لحبيب ولا غريب ولا قريب مش هتوكلوني
قاطعها دخول ابنائها
احمد ومحمد واسامة واياد وإسلام
_في ايه ياأمي بس
=مرتاتكم مش راضيين يوكلوني وهددوني لو قولتلكم هيقتلوني وهيسلخوني وهيشعلقوني في الزينة ال برة
البنات بصدمة:بقا احنا قولنا كده
سميحة :اه
البنات :طب والله مااحنا سيبينك وركضوا خلفها وهم بيركضوا خلفها سميحة اخذت العصاية وركضت خلفهم وهما صرخوا وركضوا بأتجاه سماح
( ولف بينا يادنيا 
)
واول ماذهبوا الي سماح تخبئوا خلفها
وسميحة اول مارات انهم خلف سماح القت العصاية وَاحتضنت سماح وقالت
_وحشتيني ياسماح الشوية دول
سماح : طب يلا روحي اقعدي علي الاكل وملكيش دعوه بيهم
سميحة بمرح:ما كده الأكل هيبوظ لو قعدت عليه وبعدين خايفة لتلسوع منه
سماح :. سميحة روحي اقعدي
_حاضر
وذهبت
الرجال :. يلا هاتوا الأكل احنا جعانين
البنات :حاضر
وذهبوا الي المطبخ واحضروا الطعام الي السفرة
وبعد ان تعشوا كل شخص اخذ زوجته وذهب الي منزله
وإسلام دلف الي غرفته
وفي صباح يوم جديد
سميحة استيقظت الساعة التاسعة ونص وذهبت الي المرحاض توضت لكي تصلي وبعد صلت ارتدت ملابسها واخذت حقيبتها وذهبت الي ام فاروق
وكانت هتصعد علي الثلاجة ولكن لم تلاقيها
لاان البقال قافل
واطرت انها تذهب وتفتح الباب
وبالفعل ذهبت الي منزل ام فاروق ورفعة المشاية وأخذت المفتاح
وفتحت ودلفت الي المنزل رات ابو فاروق خارج من الحمام
سميحة :ازيك ياابو فاروق
=ازيك ياام احمد بس ازاي دخلتي والشباك مش مكسور
_بس الزفت البقال قافل قولت ادخل من الباب
ابو فاروق بستغرب : بس ازاي جبتي مفتاح
سميحة :ايدا هو انا مقولتلكش ان سرقت مفتحكوا وروحت بيه عند عم هشام وطلعت نسخة منه
ابو فاروق نظر اليها بصدمة قطعتوا هي وقال
_اومال الولية رأفت فين اخ قصدي ام فاروق فين
ابو فاروق :لسه نايمة
سميحة بصدمة :نهارها طين معايا الجزار هيخلص اللحمه وبدأت تصرخ بأسمها
يارأفت يارأفت ياولية
وصعدت بجانبها علي السرير وبدأت تفوق فيها
_ياولية فوقي
ثم قالت بهمس انا عارفة هفوقك ازاي
ذهبت الي الثلاجة واخذت مياه مثلجة وذهبت إليها وسكبتها عليها
ام فاروق بصريخ :بغرررق
سميحة :لا مبتغرقيش ياختاي ده انا اخلصي قومي فزي الجزار هيخلص اللحمة
ام فاروق :طيب قومت
سميحة :هروح افطر مع جوزك عقبال ماتيجي اخلصي بسرعة
ام فاروق اومات إليها بنعم
وبالفعل ام فاروق نهضت ودلفت الي المرحاض وتوضأت لكي تصلي وخرجت ادت فرضها وارتدت ملابسها وذهبت اليهم وكانت هتجلس تفطر ولكن منعتها سميحة وقالت مش وقته فطار احنا متأخرين وبعدين كفايه انا فطرت
يلا ياستو انا قدامي
وبدأت تدندن باغنيه ايه ياستو انا
قلبي برتقال بسرة ملكك وانتي حره تعصريه عصير
ام فاروق : الله
سميحة : قلبي كومثراية ناشفة بس فيها بذرة بتحب بضمير
ام فاروق :الله
وذهبوا الي السوق وبدأو يشتروا كل الاغراض الذي يحتجونها وذهبوا الي منزلهم
وعندما دلفت سميحة الي المنزل رأت سماح تبكي بشدة ركضت إليها بخوف
_مالك ياحبيبتي بتعيطي كده ليه الواد أحمد عملك حاجه وانا هموتهولك
سماح ببكاء: لا احمد ده مفيش أطيب منه
سميحة :اومال بتعيطي لي
سماح وهي تزداد في البكاء وكأن في شخص عطها تصريخ لكي تبكي بشدة بدأت تقول امي ظهرتلي في الحلم وكنت لسه هحضنها اختفت علي طول
امي وحشتني اوي
سميحة ببكاء مثلها طبطت عليها وقالت :ربنا يرحمها ياحبيبتي مكنش في احن واطيب منها ادعيلها ياقلبي ربنا يرحمها
وبطلي عياط بقا ثم اكملت وسط بكائها وبعدين مش واخده عليكي كده انا واخده علي سماح ال مشفتش بربع جنيه تربيه
سماح ضحكت وسط بكائها وقالت :اصطبحي ياسميحة
سميحة وهي تأخذها في حضنها قالت ببتسامة حنونه :حاضر ياقلب سميحة وبطلي عياط بقا علشان عيني وجعتني من العياط وبعدين ياهبله انا امك التانيه وقت ماتوحشك امك تعالي ليا مش انا زي مامتك بردوا انا عارفة ان الام مش بتتعوض بس اعتبريني زي امك
سماح ببتسامة : طبعا معتبراكي زي امي وبعدين انتي احلى ام في الدنيا ربنا يديمك ليا ياسميحة
سميحة :ويديمك ياقلب سميحة يلا قومي بقا جهزوا الاكل انتوا والبنات علشان نتغدى ونجهز نفسنا ونروح للبت سجود علشان نودي ليها الموسم بتاعها
سماح :إسلام هيروح معانا ولالا
سميحة :إسلام هيسبقنا علشان هيجبلها فانوس رمضان
سماح :تمام انا رايحة اجهز الأكل
وبالفعل دلفت الي المطبخ وبدأو يدلفوا خلفها البنات وبدأو يساعدوا بعضهم.
وبعد ان جهزوا الأكل تغدوا وذهبوا حتي يجهزوا ويذهبوا الي سجود وبالفعل جهزوا واتجهوا إلى منزل ام فاروق لكي تأخذها وذهبوا الي منزل سجود
في منزل سجود خرجت اليهم وذهبت الي سميحة ورحبت بيها وسلمت علي ام فاروق ثم ذهبت الي سلايفها وسلمت عليهم وبدأت تتحدث معاهم
وبعد ساعة قد ذهبوا الي منزلهم
_يابنات بكره ان شاء الله تصحوا بدري علشان نجهز الأكل ونخلصه بدري ونقعد نقرأ قرآن قبل ما المغرب يأذن
البنات :حاضر
سميحة :. يلا روحوا حضروا السحور علشان نتسحر
البنات اومأوا بنعم وذهبوا الي المطبخ وبدأو يجهزو السحور وبعد نصف ساعة قد انتهوا من تحضيره وبدأو يضعوه علي السفرة
وجلسوا تسحروا وذهبوا الي منازلهم
وفي صباح يوم جديد وهو اول يوم رمضان
استيقظوا البنات الساعة العاشرة صباحا وهبطوا الي الاسفل وصبحوا علي سميحة ودلفوا الي المطبخ وبدأو يجهزون الطعام
وقد سمعوا زغاريط
و سميحة ذهبت بأتجاه الزغاريط وجدت ام فاروق
سميحة : ايه ياام فاروق قتلتلي جوزك لولولولولولولوي كويس انك سمعتي كلامي
ابو فاروق : بقا بتقولي لمراتي تقتلني
سميحة :ايدا انت مموتش
ام فاروق :ياولية اتهدي بقا وافرحي معانا مش الولا فاروق نازل على العيد وهيستقر هنا هو وولاده ومش هيسافر تاني
سميحة بفرحة حقيقيه :بجد مبروك ياام فاروق ربنا يرجعوا بالسلامة ياحبيبتي
ام فاروق :يارب ياسميحة يارب
وجلسوا مع بعضهم وبدأو يتحدثون في أمور عديده
قطعتها ام فاروق.
_لا نكمل كلامنا بعد الفطار لااننا كده هنفطر من النميمة دي
سميحة :طيب يااختي وابقي فكريني احكيلك ال حصل مع مني شباشب هي وجوزها
ام فاروق: من عنيا
ثم ذهبت سميحة الي منزلها
وقد عدا الوقت بسرعة البرق وباقي من الوقت علي المغرب ساعة جلسوا الفتيات وسميحة بيقرأو القرآن والرجال ذهبوا الي الجامع
وبعد أن اذن المغرب توجهوا لكي يأدوا فرضهم وبعد ان انتهوا خرجوا لكي يضعوا الطعام علي السفره وبعد خمس دقايق دلفوا الرجال
شهد بمرح وهي تأكل :هتحكلنا امتا بقا ياحماتي قصة حبك انتي وحمايا الله يرحمه
سميحة :نخلص الأكل ونوزع الرجالة ونفتح التلفزيون واحكيلكم
وبالفعل بعد ان انتهوا من الاكل الرجاله ذهبت وسميحة والبنات ذهبوا وجلسوا أمام التلفاز وسميحة اخذت البنات في حضنها وبدأت تسترجع الذكريات وتبتسم بحب وبدأت تقصي لهم كل شئ
بقلم الكاتبة يارا محمد
تمت الحمدلله